7
أد-ؤر حكمات خف ميدّن
1 «أد-ؤر حكّماث خف ميدّن حما ؤر غيفون ئتّوحكم.
2 ئدّخ أد غيفون ئتّوحكم س لحشام نّا س تحكمم خف ميدّن أها ئعبراون س لعبار نّا س تعبرم يي ميدّن.
3 داي مّاخ ألّيݣ دا تّانّايت أخشليع ئلّان ݣ تيطّ ن ݣماش، ئد أكشّوض ئلّان ݣ تيط نّش ؤر دا ثتنايث؟
4 ئوا مّاخ ألّيݣ دا تّينيث يي ݣماش: «أدجّييي أد دّسّوفغخ أخشليع ئلّان ݣ تيطّ نّش»، أها ؤر ثروريث لبال غر أكشّوض ئلّان ݣ تيطّ نّش؟
5 ألمونافيقّ، ݣ ؤمزوارو سّوفغ أكشّوض ئلّان ݣ تيطّ نّش، حما أتانّايت مسقّم أتّسّوفغت أخشليع ئلّان ݣ تيطّ ن ݣماش.
6 «أد-ؤر أكّات أينّا ئݣان وين ربّي ئ-يݣضان، أد-ؤر ݣّارات لجوهر نّون يي ئبولخير، حما ؤر تن تّعفاسن س-ئضارن نّسن برّمن غورون سمخيزّان كون».
رزويات تافيم
7 «تّرات ئتّوشاون، رزويات تافيم، دزات لباب ئتّورژماون.
8 ئدّخ ونّا ئتّرن أد يامژ، د ونّا ئرزان أد ياف، د ونّا ئدزان لباب أداس رژمن.
9 مايد ئيمس نتّا ؤورݣاز ديݣون نّا مي ئتّر ممّيس أغروم أها ئوشاس ئسلّي.
10 داي مش أس ئتّر أسلم ئوشاس تيفيغرا؟
11 داي مغار تخّام كونّي تسّنم أتوشيم يي وارّاو نّون أينّا ئژيلن، ئوا ميمش ئتݣا ئبّاثون نّا ئلّان ݣ ئݣنوان ئس ؤر ياكّا أينّا ئژيلن يي وينّا س ئتّرن؟»
12 «ݣات يي ميدّن كول أينّا ترام أداون ئتواݣ، ئدّخ أياد أيد ئلّان ݣ شّرع د لكتوب ن لانبييا».
تاݣّورت ئقمرن.
13 : «كشّمات زݣ لباب ئقمرن، ئدّخ يوسع لباب ئريون د ؤبريد نّا ئتّاوين غر جهنّام، أها عدّان وينّا دّانين أد زّيكس كشمن.
14 ئدّخ ئقمر لباب ئوعير ؤبريد ئتّاوين غر تودرت، أها دروسن وينّا تيتّافان».
أسكلو د لغلت نّس.
15 «حضويات ئخفاون نّون زݣ لانبييا ئسحيلّيلن، نّا غورّون دّيتدّون لسان ئعبانّ ن-ئعلّوشن، ماشان ݣ جاج نّسن ݣان ؤشّان ئفرسن.
16 هاثين تدّام أتن تيسينم زݣ ؤينّا تّݣّين. ؤر دا نتّكّس أضيل زݣ ؤزݣّار ؤلا (ثازارث) ئقورّان زݣ شرّمو.
17 كول مايد ئݣان أسكلو ئژيلن ئمشيد أيد ئتّݣّ أد ئتّارو لغلت ئژيلن، ئد أسكلو ؤر-ئحلين، أد ئتّارو لغلت ؤر-ئحلين.
18 هاثين ؤر ئتّيغي ؤسكلو ئژيلن أد ئيش لغلت ؤر-ئحلين، نغد أسكلو ؤر-ئحلين أد ئش لغلت ئژيلن.
19 كّو أسكلو نّا ؤر دا ئتّارون لغلت ئژيلن ئدّا أد ئتّوابّي أها ئتّواݣر ݣ لعافيت.
20 ئوا، هاثين زݣ لغلت نّسن أس تدّام أتن ثسينم».
زݣ لغلت نّس دا تن تّيسينم:
21 «ؤر ئد كول ونّا ئتّينين: "أربي أربي!" ئدّا أد ئكشم غر تݣلديت ن-ئݣنوان، ماشان غاس ونّا ئتݣّان لموراض ن بّانو ئلّان ݣ ئݣنوان.
22 ݣ واسّ نّا، شيݣان أيد ئدّان أد ئنين: "أسيدي، ئس ؤر ئد س-ئسم نّش أس نكاشف؟ ئس ؤر-ئد س-ئسم نّش أس نسّوفغ أدجّنون؟ ئس ؤر-ئد س-ئسم نّش أس نݣا شيݣان ن لموعجيزات؟"
23 أها ئنيخاسن س-بطايطاي لوقت نّا: "نكّين ؤر دجّين كون سّينخ كول قّاح، دّويات زّيݣي أوينّا ئتݣّان أينّا ؤر ئحلين داث ن والّن ن ربّي!"».
لمعنا ن سنات ن تادّروين
24 «هان ونّا سلان يي ئواليون-اد-ئنو أر ئسّن ئتّݣّ ئݣا أم يون ن-ؤرݣاز بو لعقل ئبنان تادّارت نّس خف يون ئسلّي.
25 نتّا ئنهم ؤنژار حملند ئسافّن ئصوض ؤزݣو خف تادّارت نّا ماشان ؤر تاتّوي، ئدّخ-أس ئلّا لّساس خف ئسلّي.
26 د ونّا يسلان ئيواليون-اد ئنو أها ؤر دا ئسّن ئتّݣّ ئݣا أم يون ن-ؤرݣاز ئݣان أحيوض ئبنان تادّارت نّس خف رّمل.
27 نتّا ئنهم ؤنژار حملن ئسافّن ئصوض ؤزݣو كّين خف تادّارت نّا تاتّوي أها تݣ تردلا نّس تاخاتارت».