يونان
1
ثارولا ن يونان زݣ داث ن ربّي
1 إيسيول ربّي إ يُونان ممّيس ن أمتّاي إنّاياس:
2 «كّر الدُّو غَر نِينَوى ثامدينث ثاخاثارث، أها ثسغويّد غيفسن هاثين ثوليد ثوخّوت نّسن د لمعصيّاث نّا دا تݣّان غر داثي».
3 داي إيكّر يونان، أد يرول زݣ داث ن ربّي غر ترشيش، إيݣّزد غر يافا يافن ديس يان لباطو إيوجدن إ ثوادا غر ترشيش، أها إيش الخلاص نّس إيݣز غر الباطو أد إيمون د إيمسافرغر ترشيش إيرول زݣ داث ن ربّي.
4 داي يازند ربّي يون أوزْݣُو إيجهدن خف لبحر، داي ثنهم الشّوط ن-ونژار إجهدن خف لبحر إيهيج ألّيݣ إدّا لباطو أد إرژ.
5 داي ݣّدن إيبحّاريين، سغوين كو يون غر ربّي نّس. أر ݣّار س واݣاثن نّا يلاّن ݣ الباطو غر البحر أد السّفسوسن غيفسن التقل. إد يونان إيݣز غر ظارث ن لباطو إيݣن ياويث أونودم
6 داي إدّود غورس لقبطان ن-يبحّاريين أها ئنّاياس: «ماش ياغن ثݣنث؟ كّر غراس يي ربّي نّش بار أدّيݣنخ إيحقّا ربّي هاثين ندّا أنخلُو».
7 داي إينّا كو يون إ ومدّاكل نّس: «كّراثاخ أنݣر إيلان حما أنيسين مايد إيمس واد أخ إيسببن إثمارا يا». أها ݣرين إيلان ياسد ييلي ݣ يونان.
8 داي النّاناس: «إينياخ عفاش مايد إيݣان السباب ن ثماراياد نّا غيفنخ إتكّان؟ مايد إيݣان الخدمث النّش؟ د ما زݣ تدّيث؟ د ماتّا تمازيرت زݣ ثݣيث؟ د ماتّا لݣنس زݣ ثݣيث شݣ؟»
9 إينّاياسن: «نكّ أعيبراني أيد ݣيخ ديهويه ربّي ن-يݣنوان نك أدّاتݣدخ ونّا إيخلقن البحر د واشال إيزوان».
10 داي ݣّدن إيرݣزن نّا شيݣان النّاناس: «ماتّا وياد ثݣيث؟» اللّي السّن إيس إيرول زݣ داث ن ربّي، إتخ أسن إقرّا.
11 داي النّاناس: «مايداش نتّݣ حما أد يهدّن لبحرغيفنخ؟» إتخ إيدّا لبحر غاس يثاهيجث د الشوط ثعدّا شيݣان.
12 داي ئنّاياسن: «السّالياثين أها ثݣريمي ݣ لبحر حما أد-يهدّن غيفون. هاثين السّنخ إد نك أيديّان السّباب إ الشّوط-اد تاخاثارث غيفون إينهمن».
13 والاينّي أر تحوال إيريزن النّا أد رارين لباطو غر أشال إيزوان ماشان أور غيين، ألّيي أنّاين البحر إدّا أتن يتش.
14 داي غرين يي ربّي نّان: «أ يهويه ربّي، أد وراخ خلّو خف الرّوح ن-ورياز-اد، أد-ور غيفنخ سريس دّنوب ن-يدامّن إيزدّيين. إتخ أم أوينّا ثريث أيد إيتّيلين أيهويه ربّي».
15 السّاليند يونان ݣرينث ݣ لبحر، فيساع إبد لبحري ثاهيجث نّس.
16 داي ݣّدن إيريزن النّا إيهويه ربّي شيݣان، غرصن إثمغراص يي ربّي، أها قّاولاس ثيمعلمين.
17 إد ربّي إعيّيند يون أوسلم أخاثار أد إلقُّم يونان، داي إيكّن يونان ݣ-ؤديس ن-ؤسلم شراظ ن ووسّان د شراظ ن ييظان.