لينجيل ن ـ سيدنا عيسى خف ؤفوس ن ـ ماتّى
1
طّاسيلا ن سيدنا عيسى لمسيح
1 ثاد أيد ئݣان طّاسيلا ن سيدنا عيسى لمسيح ممّيس ن داود نّا ئݣان ممّيس ن براهيم:
2 إبْرَاهِيمْ يورو إسْحَاقْ، ئد إِسْحَاقْ يورو يعقوب، ئد يعقوب يورو يهوذا د أيتماس.
3 يهوذا يورو فارص د زَارَحْ زݣ تمطّوط نّس ثَامَارْ، ئد فارص يورو حصرون، ئد حصرون يورو أرام.
4 أرام يورو عمّيناداب، ئد عمّيناداب يورو نحشون، ئد نحشون يورو سلمون.
5 سلمون يورو بوعَز زݣ تمطّوط نّس راحاب، ئد بوعَز يورو عُوبِيد زݣ تمطّوط نّس رَاعُوث، عوبيد يورو يسّا.
6 يسّا يورو أݣلّيد داود، ئد داود يورو سليمان زݣ تمطّوط نّس ئلّان ݣ تيزويري غر أوريّا.
7 سليمان يورو رحبعام، ئد رحبعام يورو أبيّا، أبيّا يورو آسَا.
8 آسَا يورو يوشافاط، ئد يوشافاط يورو يورام، ئد يورام يورو عُزيَّا.
9 عُزيَّا يورو يُوثام، ئد يُوثام يورو آحاز، ئد آحاز يورو حِزْقِيَّا.
10 حِزْقِيَّا يورو مَنَسَّى، ئد مَنَسَّى يورو آمُون، ئد آمُون يورو يوشيّا.
11 يوشيّا يورو يَكُنْيَا د أيتماس ݣ تيامژن توسغوربن غر تمازيرث ن بابل.
12 ضارت ن مايد توسغوربن عايدند غر تمازيرث ن بابل، يارو يَكُنْيَا شَأَلْتِئِيل أها يارو شَأَلْتِئِيل زَرُبَّابِل.
13 زَرُبَّابِل يورو أَبِيهُود، أَبِيهُود يورو أَلِيَاقِيم، أَلِيَاقِيم يورو عَازُور.
14 عَازُور يورو صَادُوق، صَادُوق يورو أَخِيم، أَخِيم يورو أَلِيُود.
15 أَلِيُود يورو أَلِيعَازَر، أَلِيعَازَر يورو مَتَّان، مَتَّان يورو يَعْقُوب.
16 يَعْقُوب يورو يُوسُف نّا ئݣان أرݣاز ن مريم تنّا يورون سيدنا عيسى نّا مي دا تّينين لمسيح.
17 كول لجيال نّا كّانين زݣ إبْرَاهِيم أر داود ربعطاعش ن لجيل، د زݣ سيدنا داود أر لوقت نّاݣ تيامژن ووداين توسغوربن غر تمازيرث ن بابل ݣان ربعطاعش ن لجيل، زݣ لوقت نّاݣ تّيامژن ووداين توسغوربن غر تمازيرث ن بابل أر لجيل ن لمسيح زرين ربعطاعش ن لجيل.
تالاليت ن سيدنا عيسى لمسيح.
18 ئد تالاليت ن سيدنا عيسى لمسيح ئمشيد أيد تݣا، ݣ تلّا تتياتر مّانّس: مريم يي يوسف، ماشان سولن ؤر مياوالن تفّغد أر تّارو س رّوح ن ربّي.
19 ئدّخ ئݣا يوسف يون ن-ؤرݣاز ئصلحن ؤر ئري أتّيفضح، ماشان ئرا أد-ئس ئبضو س توفرا.
20 أها ئقّيم أر ئتخمّام ݣ ؤينّا ئرا أد ئݣ، ئفّغد غورس يون ن لمالاك ݣ يوت ن توارݣيت أها ئنّاياس: "أيوسف، أممّيس ن داود، أد ؤر تّݣّد شا مش ثيولث مريم، ئدّخ ئلّا ݣ ؤديس نّس يون ن لعيل ئدّاد زݣ رّوح ن ربّي.
21 هاثين ئقّنتّين أتّارو يون ن ؤربا، شݣ سماث سيدنا عيسى، نتّا أݣ دّان أد ئفوكّا شعب نّس زݣ دّنوب نّسن".
22 هاثين ئنّاياس أياد كول حما أد ئجرو أينّا ئنّا ربّي س-ؤقمو ن نّبي ئنّان:
23 "هان تاعرّيمت تدّا أتّيلي س-ؤديس، أها تارو يون ن-ؤربا ݣناس ئسم ن عمّانوئيل، نّا مي ئݣا لمعنا نّس: ربّي ئلّا أݣّيدنخ".