4
أطّيردوحراق ن-يونان
1 داي إسطّيراست أوينّا إيونان شيݣان، إيسغوس أُوولنس.
2 أها إيژّال إتر إ ربّي إينّا: «عفاش أ يهويه ربّي إيس أوريد أوال إينو أيا النّا النّيخ أيللّيݣ سولخ يتمازيرت إينو أينّاخ أس الكّيخ ريخ أدرولخ غر ترشيش إتخ سنخ إيد شݣ ربّي أرحيم أحنين وريزربن ي الغظب نس إيعدّا ليخلاص نّش أرتسمهالث ثيثي خف أونّا يخّان.
3 دغي عفاش أ يهويه ربّي نزغ الروح الزّيݣي ثُوفي الموث تودرت».
4 داي إينّاياس ربّي: «إيس غورش لحق أداش إيحرّو أوياد ݣيخ؟»
5 إفّغ يونان زݣ ثمدينث، إيقّيم ݣتسيا نس داي إعدل ديس إيخف نس أسّنثل إقّيم الدّاواس ݣومالو، أد يانّاي مايد إدجرون إثمدينث؟.
6 داي إعييند ربّي يوث ن تسكلوت تكّرد ثدلاس إ يونان ثياس أمالو النّيي نيخف نس إيفرحيس يونان شيݣان.
7 داي إعييند ربّي يون أُووْكّا داث نونقّر ن ثافويث نواس ويس السّين إيتش إيژوران ن تسكلوت داي ثقّار.
8 داي غاس ثنقّرد ثافويت يازند ربّي يان أوزو أشرقي إيحمان ثوث ثافويث إخف ن يونان إيسخف إيتّر إيخف نس لموث إينّا «ثُوفي لموث تودرت».
9 داي إينّياس ربّي إيونان: «س النّيث إيساش تحرّا تسكلوت»؟ إينّاس يونان «تحرّايي أر ثُوثرا ن لموث».
10 أها إنّياس ربّي: «شݣ تحنّاث خف تسكلوت نّا خف ورثخديمث ولاتّيد تسخاثرث ديكّرݣيون ييظ ثمّث ݣيون ييظ».
11 «مَاخ إيسور تحنّاخ نك خف-ثمدينث ن-نينوى ثاخاثارث نّاي زدغن أُوݣار ن-مْيَا وعشرين ألف ن بنادم نّا وْرْ إيسّين أفاسي نسن زݣ أوژلماض نسن، د-شيݣان ن-لبهايم؟».