3
الطّاعث ن يونان
1 داي إيسيول ربّي إ يونان المرث ثيسناث إينّاس:
2 «كّر الدّو غرنينوى ثمدينث تاخاثارث، ثسغويث دييس سوينّا الدّيخ أداش إينيخ».
3 داي إيكّر يونان إيدّو غر ثمدينث ن-نينوى أم أوينّا إينّا ربّي ݣواوال، إد ثمدينث ن-نينوى ثكّا ثمقّورداث ربّي شراظ ووسّان ن ثودا حما أستّيديفغ بنادم.
4 إيبدو يونان أريتدّو ݣثمدينث، إيدّو ثوادا ن يون واس أريسغويّو أر إيتّيني «ي ربعين نواس أتخلو نينوى».
5 داي أمنن آيث تمدينث ن-نينوى س-ربّي برحن إيس-الدّان أداژومن أها لسين إحلاسن، زݣ أوخاثار نسن أر أمژيان.
6 داي ياوضن ووال أݣلّيد ن-ثمدينث ن-نينوى، أها إيكّر زݣ لعرش نس إيكّس أژنّار نس إينس إحلاسن إيقّيم ݣّيغد.
7 برّحن ي نينوى سلامر نوݣليد ديخثار ن الشعب نس لا بنادم ولا البهايم ولا إيزݣار ولاأوللّي أدور التّارمن شا أدور التّاوغن ولا سون أود أمان.
8 ثسّنسيم إحلاسن إ ميدن د البهايم، سغُوين كول إ ربّي س الجهد، أها يعايد كو يون زݣ يوبريد نس ن ثوخّوت د لمعصيّاث زرين إيمنغان ميتسبّابن سيفاسن نسن.
9 "مايد إيسّن؟ بارإيس أورإتعياد ربّي أد إيسمهل لغظاب نس أها ور نخلّو شا؟".
10 داي ألّيݣ يانّاي ربّي مايد ݣان إيس حيدن إ-وبريد نسن إيخّان، أها إيسّمهل ربّي ثيثي نس النّا سيرا أتن إيوث أورياد تن إيوّييث شا".