دانيال
1
نبوخدنصر إيستي دانيال د إيمدوكال نّس
1 ݣ ؤ سݣاس وشارط ݣ لحكام يهوياقيم أݣلّيد ن مازيرت ن يهوذا، إدّاد نبوخدنصر أݣلّيد ن مازيرت ن بابل غر ثمدينت لقدس ها إيحاصريت.
2 مُولَانَا ئِݣا يَهُويَاقِيمْ أَݣْلِّيدْ نْ يَهُودَا دْ رْبْعْتْ لْمَّاعْنّ ن دهب نْ تَدَّارْتْ نْ ربِّي دَّاوْ نْ تْنْبَاطْ نْ نَبُوخَدْنَصْرْ، يسييتن نبوخدنصر غر تادّارت ن ئد ربِّي نّس ݣ بابل، ها إيسرسيثن ݣ لبيث لخزين.
3 ها يتّر ؤݣلّيد زݣ أشفَنَازَ ئݣان أَخَاتَارْ نْ ئِمْسْخّرْن، أد إيسحضر سݣ ثاروا أيت إِسْرَائِيلَ، وينّا ݣانين زݣ ثروا ن ؤݣلّيد د ثاروا ن-شّرفا،
4 إعريمن ݣ مي ؤر إيلي لعيب، غودانين، غر تلا تانژي ها إيسنن كول إيزوران ن ثوسنا، غورسن لعقل غين أد فهيمن ها توعلمن، ييلي غيرسن جّهد أد خدمن ݣ لقصر ؤݣلّيد. أك-اد إسينن أوال د تيرا ن بابل.
5 ها إيعيناسن ؤݣلّيد كو ياس ؤتشي غرا تشن د شّراب غرا سون زݣ ؤينا ئتتّا ها يامّر س ثغوري نسن شارط إيسݣّاسن، ها فيراس أد أبدون لخدمت غر ؤݣليد.
6 زݣ ئعرّيمن نّا ئتّوختارن ئلّا دانيال د حننيا د ميشائيل د عزريا، ݣان زݣ تقبيلت ن يهوذا،
7 داي ئݣاسن أَخَاتَارْ نْ ئِمْسْخّرْن إسماون ؤجديدن: دانيال ئݣاس بلطشاسر، د حننيا ئݣاس شدرخ، د ميشائيل ئݣاس ميشخ د عزريا ئݣاس عبدنغو.
دانيال د إمدوكال نس ݣ لمتحان
8 ئد دانيال ئنّا ݣ ؤول نّس ؤر ئتلّس ئخف نّس س-ؤتشي د شّراب ن ؤݣليد، ها إئتّر ئ ؤخاتار ن ئمسخرن ؤر-اس ئتݣا دّرع اد ئتّش ؤتشي نّا حما اد ئقّيم ئزدّيݣ.
9 ها إيݣا ربّي رحمث ݣ وول ؤخثار ن ئمسخرن حما أد إيݣ أينا إيرا دانيال.
10 والاينّي ئواجب ؤخاثار ن-ئمسخرن دانيال ئنّاياس: «نكّين ݣدخ زݣ ؤݣليد، نتّا اݣ وصّان خف تماتشا نّون د تسي نّون. مش يانّاي ئس ؤر دا تصحوم أم ئمدّوكال نّون نّا ئلّان ݣ لعمر نّون أد ئ ئبّي ئخف خف سّيبت نّون».
11 داي ئنّا دانيال ئ ؤمسخّر نّا ئعين أشفناز ئݣان أخاتار ن ئمسخرن حما أد ئسخّر خف دانيال د حننيا د ميشائيل د عزريا:
12 «أسيدي جرباخ خاس عشرا ن ووسان، أد-اخ تاكاد اد نتّش خاس لخوضرت نسو خاس امان.
13 ها ثعلوث ما ݣ ئيفن ئد ؤدماون نّخ ما د ؤدماون إيعريمن تتنين ؤتشي ن ؤݣليد. فيراس ثݣتاخ أينّا تريد».
14 داي ئقبل أوال نسن ها إيجربيثن عشرا د-ؤسان.
أنجاح ن دنيال د إيمدوكال نّس
15 فّيرن عشرا ن-ؤسان ضهرن ݣ-ؤدماون نسن زيلن ها صحان زݣ إمدوكال نسن تتنين سݣ ؤتشي ن ؤݣّليد.
16 زݣ لوقت نّا ؤر ئقيم ؤمسخر داسن يكا ؤتشي د شراب ن ؤݣليد ألا سن يكّا خاس لخضرت د وامان.
17 إيعريمنا س-ربعا إيوشاسن ربّي ثوسنا د لعقل ݣ ثيرا د ثنژي، ها ييلي دانيال لا ئتفهام ݣ أرزوم ن ثيويرجا.
18 ألّيݣ ثكمّل لوقت نّا إيݣا ؤݣليد نبوخدنصر، يويد أشفنازأختار ن ئمسخرن ئعريمن كول إيسبديثن دات ن ؤݣليد.
19 ها إيسّيول ؤݣليد أݣيتسن كول، دا ؤر يوفي إنݣراسن أم دانيال د حنانيا د ميشائيل د عزريا، دا إيخطارثن أغورس خدمن.
20 دّيما ادّاي تن ئسقسا ؤݣلّيد خف شا واوال نّاݣ تلّا تنژّي د لعقل، دا تن ئتّافا زرين ئسحّارن د لماجوس نّا ئلّان ݣ تݣلّيت نّس عشرا ن لمرّاث.
21 دا إيقيم دانيال ݣ لقصر ؤݣليد أل أسݣاس أمزݣارو سݣ لحوكم ؤݣليد كورش.