1
ثامديازث ثامزواروتّ أبريد ئمنان د ـ ؤبريد ئفرغن
1 أياعريتّ نّس ئي ونا ؤر دا يتدون ݣ ـ رّاي ن - وينّا خّانين،
ؤلا يبدّا ݣ ـ ؤبريد ن - وينّا عصانين،
ؤلا يقّيما ݣ ـ ثݣراوث ن - وينّا طَنَاژنين.
2 شّرع ن ـ مولانا أݣ دا يتّافا أينّاس ئرا وول نّس،
ؤر داس ئتفّغ أقمو ؤلا لعقل س ـ واسّ د ـ ييض.
3 داي يتݣّا أمّ شان ؤسكلو يتّييژّان ثاما ن - ثيرݣّين ن - وامان،
دا يتّارو ݣ ـ لوقث نّس
د ـ وافريون نّس ؤر دا تّسليون؛
د ـ ؤينّا دا يتݣّا كول داس ئتسخّار.
4 وينّا خّانين ؤراسن ئݣي لحال ئمشيد،
نثني ݣان أمّ واليم نّا دا ئزوزّور وزوو.
5 خف ؤياد ؤر دا تّراحن وينّا خّانين ݣ واس ن - لحساب.
هاثين وينّا عصانين ؤر دا تّامّون ݣ ـ ؤݣراو ن ـ وينّا منانين.
6 ئدّخ مولانا ئسّن أبريد ن - وينّا منانين،
ئيد أبريد ن - وينّا خّانين أرواس أغر دا يتَاوي.