لينجيل ن ـ سيدنا عيسى خف ؤفوس ن ـ لوقا
ثازوارايث
لوقا، ئݣان أمازان ن ـ ربّي، داخ ئتقّيس لينجيل ن ـ سيدنا عيسى لماسيح. "لينجيل" ماي ثيݣان: "أنغميس ئژيلن".
لينجيل أد نّا ياري لوقا دا يتقّيس خف ثودرث ن ـ سيدنا عيسى لماسيح، خف ثلاليتّ نس ئݣان لموعجيزا، د ـ خف لموعجيزاث نّا يݣا، د ـ لموث نس س ـ وار لحقّ خف ئفاسّن ن ـ ميدّن.
ثانشرا نس زݣ لموث ضارث ن ـ شراض ن ـ ووسّان دا ثسنعاث ئيس ئرّا لمعصيث، ييرّو جاهنّام، ييرّو شّيطان د ـ وادّجنونّ.
د ـ ؤنغميس ئژيلن نتّا: ئيس ديدّا سيدنا عيسى غر دّونيث حما أد ئجّوجي وينّا عصانين أمّ نوكني.