12
تينݣيرا لوقت
1 ئنايي جبريل ألو: «ݣ لوقت اد، أد ئباين ميخائيل أمقران ن لمالايكا نّا يوحطّون شعب نّش. تدّا ات ت دّو يوت ن لوقت ن تمارا تاخاتارت ؤر دجين تكي أم نتات زݣّوس لاّن لكنوس أر زمان اد. والايني أد ئفوكا زݣ شعب نش كول ونا ئتوارين ئسم نس ݣ لكتاب.
2 دان اد كرن شايݣان ن ميدن نا ئتونضلن ݣ تاتشا ن واشال، ربعض اد دون غر تودرت ن وابدا د ربعض ياضن اد دون اد عيشن ݣ لعار د تمدالوت أبدا.
3 وينا غر ئلا لعقل اد سفليلين ئمشينا ئسفليلي أسيد ن ئݣنا، د وينا ئحرين ميدن غر ابريد ن ربي اد سفليلين ابدا ام ئتران.
4 ئد شݣين ادانيال، أخزن أوال اد تݣت طّابع ن شمع ئ لكتاب، أد ؤر سنعات أينا ديكس ئلاّن أر اس أنݣارو، ݣ لوقت نّا، شيݣان ن ميدن دان أد كّن تميزارأها تخاتر توسنا نسن».
5 نكين دانيال، انايخ سين لملايكا ياضن كو يون زيكسن ئبد خف يوت ن تاما ن واسيف.
6 ئسقسا يون زيكسن ارݣاز ئلسان لكتان نا ئبدين خف وامان ن واسيف: «ميلمي أيد دّان أد قضونت لعجايب-اد؟»
7 سلّيخ ئ ؤرݣاز ئلسان لكتان نّا ئبدين خف وامان ن واسيف، ئهزا ئفاسّن سّين غر ئݣنا. أها ئݣال س ربي نّا ئدرن ابدا، ئنا: «لعجايب اد أد قضون فير ن شارض ئسݣاسن د نّص. أداي ؤر ئتغيما لجهد غر شعب ن ربي».
8 نكين دانيال، سليخ ئ ئواليون اد، والايني ؤر تن فريخ. أياد أخف نيخ: «آسيدي، ميمشي ئدا ؤياد كول اد ئشمّل؟»
9 ئواجبييد، ئنّايي: «دّو ݣ لمان أدانيال، ئدّخ لمعنا ن-ئواليون-اد ئخزن أها ئتواقن لكتاب س-طّابع ن شمع أر تاوض تينݣيرا لوقت.
10 شيݣان ن ميدّن دّان أد زديݣن، ملولن أها صفون. ئد ݣار ميدّن ؤر تدّي أد غورسن تيلي تانژّي، سولن دا تݣّين لعار، والاينّي أيت لعقل دّان أد فهمن أينّا ئتجرون.
11 داي زݣ لوقت نّاݣ ؤر قّيمن ميدّن دا تݣّين تيمغراص ن كوياس ئ ربّي أر لوقت نّاݣ تعبادن لصنام نّا ديتاوين أهلاك د لموت تلا 1290 ن واسّ.
12 أعريت نّسن ئ وينّا غا ئراجان أرأوضن 1335 ن واسّ.
13 ئد شݣّين ادانيال دّو غر ليخرا نّش أد تسݣونفاد، أها تكّرد ݣ تينݣيرا ن ؤسّان أد تامژت أينّاك ئقسّم ربّي».