11
أݣليد ن ئديس أزلماض د أݣليد ن ئديس أفاسي
1 «نكين، جبريل دا تبددخ د ميخائيل، أر ت تسزعيماخ أها ار س تعاوانخ زݣ ؤسݣاس امزورو ن تنباطّ ؤݣليد داريوس لمادي.
2 ئو دغي، ديخ اك خبرخ س لحق، دان اد ئلين شارض ن ئݣلّدن ݣ تمازيرت ن فارس. ئدا اد د ئدو ؤݣليد ويس ربعا نا ئدان اد ئسمون شيݣان ن لمال ؤݣار نسن. اداي ياغول ئجهد س سباب ن لمال نّس، ئدا اد ئسكّر ميدن ضد ن تݣلديت ن ليونان.
3 ولايني ئدا أد ئكّر يون ؤݣليد ئجهدن ݣ تمازيرت ن ليونان، أد ئنبض خف تمازيرت ئخاترن شيݣان أها ئݣ أينّا ئرا.
4 اداي ئمغور لجهد نّس تدا تݣلديت نس اد تتوتي تبضو خف ربعا ن لجيهات. اها ؤر تدي اد تورت تريكت نّس، ولايني دان اد تامزن ميدن ياضن، أها ؤر ئدي اد غورس ييلي لجهد نا غورس ئكّان تيزويري.
5 «ياغول ؤݣليد ن جيهت تافاسيت ئجهد، ولايني يون ؤنبّاض زݣ تݣلديت نّس ئدا أد ئجهيد ؤݣار نس، أها ئنبض خف يوت ن تݣلديت يوݣرن تينّس.
6 فير ن شا ئسݣاسن، ݣان لعاهد. تدّاد ئليس ن ؤݣليد ن تمازيرت ن جيهت تافاسيت تݣ تامطوط ن ؤݣليد ن جيهت تازلماط باش اد ييلي ؤمساسا. ؤر غورس تقيم تنباط أها نفانت نتات د وينا ديوسين أݣيس د ئباس د كول وينا س تعاونين.
7 ولايني شا ن حد زݣ أيت ؤخام نّس ئدا أد ئݣ أݣليد ݣ أنسا ن ئبّاس. ئدّود د لعسكر نّس أد ئهجم خف لبورج ن ؤݣليد ن تمازيرت ن جّيهت تازلماط أها ئغلبت.
8 ها تّواوين ئد ربّي نّسن، لاصنام د تلولا غلانين ن نّقرت د دّهب غر تمازيرت ن مصر. داي ئدا ادياج أݣليد ن تمازيرت ن جّيهت تازلماط ݣ لهنا شيݣان ن ئسݣّاسن.
9 فير ن ؤياد، أد ئهجم ؤݣليد ن تامزيرت ن جيهت تازلماط خف تمازيرت ؤݣليدن جيهت تافاسيت، أها ياغول غر تمازيرت نس.
10 «ئشيران ن ؤݣليد ن تمازيرت ن جيهت تازلماط دان اد سوجدن ئخفاون نسن ئ لحرب، اد سمونن شيݣان ن لعسكر. ئدا يون زيكسن د لعسكر نس ئݣان ام لحملت ن وسيف أد ئشوقا لحد أها ئهجم خف لبورج ن ؤݣليد ن جيهت تافاسيت.
11 داي ئطيراس شيݣان ئ ؤݣليد ن تمازيرت ن جيهت تافسيت، ئفّغ أد ئنّاغ د ؤݣليد تمازيرت ن جيهت تازلماط، داي وخا ئسمون شيݣان ن لعسكرئغلبت ؤݣليد ن جيهت تافسيت،
12 خف أغلاباد، اݣليد ن جيهت تافسيت ياغت لكيبرأها ئنغا شيݣان ن ميدن، ولايني أغلاب نس ؤر ئدام والو.
13 ئدّخ أݣليد ن جيهت تازلماط ئسمون شيݣان ن لعسكر ؤݣار ن ؤمزوارو، داي فير ن شا ئسݣّاسن، أد ئعايد س شيݣان ن لعسكر د سلاح ئعدّان.
14 ݣ لوقت نا، فغن زݣ دّاو ن تنباط ن ؤݣليد ن جيهت تافاسيت شيݣان ن ميدن، أها عصانت ميدن نا جهدنين ن تمازيرت نّك أدانيال، حما اد تجرو توارݣيت، ولايني دان أد توغلبن.
15 ئدود ؤݣليد ن جهت تازلماط ئبي ئبردان خف جيهت تافاسيت أها يامز تامدينت نّا مي ئضور سّور. ؤر ئغي لعسكر ؤلا ئصاطن ن جيهت تافاسيت أد بدّين دات ن ؤݣليد ن جهت تازلماط، ئدّخ ؤر غورسن ئقيم لجهد.
16 ونا ئكّرن ضّض ن ؤݣلّيد ن جيهت تازلماط، أد ئس ئݣ ؤݣليداد أينا ئرا. ؤر ئغي اود يون اد ئكر بنيداس. ئدّا أد يامز تامازيرت ئغودان اها تيلي داو ن تنباط نس كول.
17 ئنّا ݣ لعقل نس ئس ئدّا اد ئهجم س لعسكر نس كول خف تݣليت ن جيهت تافاسيت. واليني ئݣ لعاهد د ؤݣليد ن جيهت تافاسيت أها ئوشاس ئلّيس حما أت ت ئغلب، ولايني ؤر ئدي أد ئجرو ؤينّا أها ؤر ئتسخّار.
18 ئدا ؤݣليد ن جيهت تازلماط اد ئبرّم ؤدم نس غر تݣزيرين، أها يامز زيكسنت شيݣان، ولايني يون ؤخاتار ن لعسكر ئدا اد ئݣ لحد ئ ؤرݣام ن ؤݣليد، اها ئرارت غيفس.
19 فيراس، ئدا اد ياغول ؤݣليد ن جيهت تازلماط غر لقصور ن تمازيرت نس، ولايني اد ئنعاتر ياتّوي اها ؤر اس ئتغيما لاتر.
20 «ونّا ئدان أد ئݣ أݣليد ݣ وانسا ن ؤݣليد ن جيهت تازلماط ئدا اد ئزيرخف أيت ئسرئيل أد خلسن ضّاريبا، فير ن شا ووسان دروسنين، ئدا اد ئتونغ ؤݣليد اد ؤجديد أود نتا، ماشان ؤر ئد ݣ لوقت ن ؤقلق ؤلا ݣ لوقت ن لحرب.
21 فيراس، أد دئدو يون ؤݣليد نا ؤر ئستاهلن لوقر. ؤر غورس لحق أد يامز تانباط، ولايني ئدا ات تيامز س تحراميات أداي تيلي تمازيرت ݣ لهنا.
22 أود يان لعسكر ؤر ئتيغي ات ت ئغلب. ئدا أت تن ئمحو كول أها ئنغ اود اݣليد ناّ ئݣان أݣيدس لعاهد.
23 داي فير ماݣ ئدا اد أݣيدس ئݣ لعاهد، ئدا ات ت ئغضر أها يامز تانباط مغار دروسن ميدّن نّس.
24 ݣ لوقت ن لهنا، ئهجم خف تمازيرت نا ݣ تلا صّابت، أها ئݣ أينا ؤر ݣين لوالدين نس ؤلا لجدود نس. يوشر س درع أها ئبضو خف ميدن نّس ساعيت نا يوشر: لمال د لخير. أها ار ئتدبار أد ئهجم خف لقصورا، ولايني أينا كول ؤر ئدام غاس شا ن لوقت ئدروسن.
25 أر ئسزعيما ئخف نس أد ئهجم خف ؤݣيلد ن جيهت تافسيت س يون ن لعسكر أمقران. أݣليد ن جيهت تافسيت ئسمون لعسكر ئجهدن شيݣان اها ئعدان، ولايني ؤر ئغي أد ئبد بنيد ن لعسكر ن جيهت تازلماط، ئدخ ئعداون نّس مساسان غيفس.
26 غضرنت وينا ئتتّان زݣ لخير نّس، ئتوغلب لعسكر نس أها موتن شيݣان ن ميدن ݣ ئمنغي.
27 ئݣليدن اد سين دا تتان خف يون ن لميدا، ولايني عمرن وولاون نسن س لغضر. ار تمسحيلّيلن ئنݣراتسن. ؤر ئدي اد ئسخر ؤينا تݣين، ئدخ لحكام ن ربي أد ييلي ݣ لوقت نّس.
28 يغول ؤݣليد ن جيهت تازلماط غر تمزيرت نس س شيݣان ن لمال. ݣ ؤبريد، ئناس لعقل نس اد ئهجم خف شّعب نا د مي ئݣا ربي لعاهد. ئݣا اينا س ئنّا لعقل نّس دارت ن ؤياد ئعايد غر تمزيرت نس.
29 «فير ن شا ن لوقت، ئهجم خف جيهت تافسيت لمرت ياضن، ولايني أهجم اد ؤر ئݣي أم أمزوارو.
30 دوند ميدن زݣ جيهت ن ؤغلوي ن تافوكت، هجمن غيفس س ئغروبا نسن، داي ئݣّد، يغول ئبردان نس س شيݣان ن ؤقلق. ئدو ئهجم خف تمازيرت ن شعب ن ربي أها ئݣ ئس أينا ئرا، ولايني ئمساسا د وينّا ئرزين لعاهد ن ربي.
31 ئدو لعسكر نّا ئلان داو ن تنباط نس هجمن خف تادارت ن ربي اها سخنونسنت. ؤر ؤدجين تيمغراص ئتواݣن ئ ربي كوياس اها ؤدجان ئ ميدن اد عبدن ݣ تادرت ن ربي لصنام نّا ديتاوين أهلاك د لموت.
32 أݣليد س ئخف نس ار ئتغرّا وينا ئترزان لعاهد س تحلال نس، ولايني وينا ئسن ربي دان اد بدين خف ئضارن نسن بنيد ن ئعداون نسن.
33 د وينا غر ئلا لعقل زيكسن اد سلمدن شيݣان ن ميدن، ولايني ربعض زيكسن دان اد متن س تفروت، ئتس اد توسغوسن، بعض اد توݣرين ݣ لحبس د ئتس ياضن التو اد ئتواكر ؤينّا غورسن ئلان.
34 ݣ لوقت اد ن تمارا، دروسن ميدن ن غا سن ئعاون، ئدخ عدّان وينا غا ئݣين زݣ تمناط نسن س نيفاق.
35 تدا اد تك تمارا خف وينا غر ئلا لعقل، حما اد تن ئسزديݣ ربي اها ئرارتن د وينا صفانين أر اس انݣارو، د ؤياد ئدا اد ييلي ݣ لوقت نا ئعين ربي.
أݣليد نّا ئسخيترن ئخف نّس
36 «ئدا ؤݣليد ن جيهت تزلماطّ اد ئݣ اينا ئرا، ئكشمت لكيبر ئعنݣر خف ئد ربي، ئسيول خف ربي ن ئد ربي س ݣار اوال. ئدا اد ئنجح ال ئيرس غيفس لغاضاب ن ربي. داي ئݣ ربي اينا س-ئحكم.
37 اݣليد اد ؤر دا ئتوقار ئد ربي نا ار تعبادن لجدود نس، نغد ئد ربي تعبادن تيوتمين. دا ئتحاساب ئخف نس ئس يوݣر ئد ربّي كول اها ؤر دا ئتوقار راي ن اود يون.
38 ولايني دا ئتنهلا ݣ يون ن ربّي ن لبروج نا ؤر ئتواسنن غر لجدود نس، دا س دئتاوي دهب د نقرت د ئزرا ن لمعدن غلانين د لهديات ياضن نا ئواتان.
39 أد ئهجم خف لبورج ئجهدن س ؤعاون ن ربّي ابراني. دا ئتݣا لعز ئ وينا ئضاعن ربي اد، ار تن ئتݣا د ئنباضن خف شيݣان ن ميدن أها أراسن ئتخلاص تيغراض نسن س تميزار.
40 «أداي تاوض لوقت تانݣاروت، اد ئناغ اݣيدس ؤݣليد ن جيهت تافاسيت، ولايني اد غيفس ئهجم ؤݣليد ن جيهت تازلماط أم لعجاج س لكرارس د ئمناين د شيݣان ن ئغروبا. اها ئكشم تامازيرت أم لحملت ن ومان.
41 ألتو ئدا اد ئكشم تامازيرت ئغودان، اها دان اد متن شيكان ن ميدن، ولايني دان اد راحن ئمزداغ ن تمازيرت ن أدوم د موأب د شيݣان زݣ ن ئنبّاضن ن أيت عمون.
42 يازض افوس نّس غر شيݣان ن تميزار، د تمازيرت ن مصر ؤر تدي اد تراح.
43 ئحوص لكنوز ن دهب د نقرت د ماݣ غلان كول ݣ تمازيرت ن مصر. اها ضاعنت ايت ليبيا د ايت تمازيرت ن كوش.
44 ولايني اد تاوضن ئنغميسن زݣ لجيهت ن ؤنقر ن تافوكت د جيهت تازلماط، داي يئفّغ س شيݣان ن ؤطير حما أد ئخلو اها ئنغ شيݣان ن ميدن.
45 ئدا اد ئبنو اخام نس ئنݣر لبحر د جبل ئغودان ن ربي. داد أݣ ئدا اد ئمّت أها ؤر ئتافا ئمعيوان».