Galatia i

Sura ni Suro Paulu anu napakatuka jumaa i tana

Galatia

Pepuua lolita

Galatia iamo sambua propinsi i kadatua Roma. Ope-ope tau anu ria i propinsi Galatia, baria sira toYahudi. Mpolinguruna menomba sira i anitu. Agaiana i kadongka ni Paulu mopadongka Bambari Malompe, lako riada sira anu mepotuu si Pue Yesu Kerisitu.

Awetu malambu i Paulu lako i tana Galatia, dongka mbui sira tau anu mepaguru kono i patudu anu masala. Guru-guru anu mepakanawu aretu mopadongka kabariana sondo ane mepotuu ngkida sira si Pue Yesu Kerisitu, agaiana sangangaa ratindi mbui sira ai mampeulai sira Atura ni Musa bona mewali sira manoto i petotoki ni Pue Ala. Ai raulira mbui, i Paulu baria suro ni Pue Yesu Kerisitu, lawi ia baria tepesua suro ni Pue Yesu anu mpolinguruna i Yerusale.

I rara sura ei, taita adiwa i Paulu moewa patudu anu mepakawuli etu. Mpolinguruna i Paulu manguli notona, adiwa ia mewali suro ni Pue Yesu Kerisitu (kirana 1-2). Roo awetu, napakanoto mpii patuduna kono i Bambari Malompe anu manguli: nakenimpepotuuta si Pue Yesu Kerisitu, i Pue Ala mampopewalimo kita manoto i petotokiNa, baria nakenimpangulata atura ba ada (kirana 3-4). Kasopoana, i Paulu mopaguruka toGalatia babeia anu sintoto i tau anu mepotuu si Pue Yesu Kerisitu (kirana 5-6).

Isi nu Sura

1. Pepuua lolita (1:1-10)

2. I Paulu manguli notona (1:11–2:21)

3. I Paulu mopaguru toGalatia kono i dala mewali manoto i petotoki ni Pue Ala (3:1–4:31)

4. I Paulu mopatudu toGalatia kono i babeia anu sintoto i tau anu mepotuu si Pue Yesu (5:1–6:10)

5. Patudu anu Kasopoana (6:11-18)