Ākhor kut adō khat
Peterin amandam
3
1 Nikhat chu Peter le Johan khului tiang dār anthum dāma Pathian biak ina bōr azong ranga avalūt u na.
Hiva hun hi bōrzongna rang ngala anruat ani na.
2 Hankēng pasal puiting sua khat anzir len āta akhor ha mīn ahong razōna.
Hava mi hān Pathian biak ina alūt ngāi kōma akut ei do thei na ranga Pathian biak ina Suakkhār Āsa anti kōla han anikhuan tina ei hong siak u chachak.
3 Hava mi hān Peter le Johan akōma Pathian biak ina lūt u rang vit le aman lak ranga azong a.
4 Peter chu,
Johan lehan atianga anhoi u na:
“Koini tiang na en chian ro,”
ati u na.
5 Hasik han amāni kōma ta alakte chu aman ranga ei an iam sika asadima a en chiana.
6 Tenchu Peterin:
“Koiin sumru le rāngkachak itē dōn makung,
tenchu kei dōnte rong na pe ka ting,
Nazaret Isua Krista raminga anding tāna kal chōi ro,”
ati na.
7 Hankēng Peterin achang kut asūra amathuia.
Hatuka anlāiseka ake le aralo ngāi ahong achak pena.
8 Hatuka chu ama chu antōm chunga andinga,
ake le kal achōia.
Kal achōia antōm tira Pathian anpāk chunga Pathian biak ina amāni bila avalūta.
9 Kal ei chōi le Pathian ei manpāk chu mi tinin amu na.
10 Ama hi Pathian biak in Suakkhār asa kōla ansuta kut alei do chachak ha ani ati na ariat u na.
Han tina achunga hava ngāi ei hong suak sika aboi aman donga ati na chang re u mak.
Peterin mi en chian
ngāi kōma chong aril
11 Hatuka chu akhora adampa hān Peter le Johan asūrtit lāi han,
mipui dōra amāni kōma Solomon tuamāi atāna ei sē u achālaka aboi amandong u na.
12 Peterin hava ha amu na mipui kōm:
“Israel mi ngāi,
ichang mo hiva ruia boidonga nei riat u?
Hanūk chu ichanga mo nei na en chian u?
Koini na sin thōtheina le Pathian andon mi sabak nei ni sika hiva mi hi kal nei manchōi ati na mo nei man don u?
13 Abraham,
Isaak le Jakob Pathian,
koi ni na chipui ngāi Pathianin asuak Isua kēng ei hong man lian.
Ama ngēt hi nangnīn nei betōk u na Pilatin anzōk rang malung athō lāi han ama tona re mak me nei ti u.
14 Nangnīn Mi Ānthiang le Mi diktak chu riat mak me nei ti u na,
Pilat akōma mi thatpu ha kēng na rang u na nei zong u.
15 Nangnīn damna ansinpu ha nei that u,
tenchu Pathianin ama chu athi ngāi bil āta ama thuia,
hava ngāi ruia koi ni hi ariatpui ngāi na ni zei.
16 Hiva miring,
nei mu le nei riat babang u ha Isua raminga ei iama ei hong chaka ei har ani zei.
Ani,
na lom u na mit muna Isua iamna lehan ama raminga hiva ei dam vangna hi ei pēk ani na.
17 Atun hin parual ngāi riat lui kāra nei thō u kēng ti ka riata.
Na ulian u ngāi um riat lui kāra ei thō u ani na.
18 Tenchu Pathianin deari ngāi dōra mūra han tin han Kristān antak ei tiar rang rui apha mān āta alei hong man riat ha ei hong makhip ani na.
19 Hava sika han āsia nei thō u ngāi ei sāi theina ranga malung makhīr u tānla,
Pathian tianga anhoi u ta ro.
Puma kōm āta harna hun chu la hong suak inti.
20 Isua Krista,
nangni na ranga Pathianin ei athanga ei aruat ha hong tīr inti.
21 Alom peia Pathianin ei manding rētna rang hun ahong asuak māseng chu Isua vāna ei om rang anānga.
Hava anding rētna rui chu Pathianin leilung anpiang lāi āta adeari ānthiang ngāi dōra mūra ei hong ril sua kēng ani zei.
22 Mosīn na chipui ngāi kōma ei ti tatak chu:
‘PUMA na Pathianin na parual
ngāi kār āta koi ka anga deari
khat masuak ka ti.
Amān
aloma nangni ngāi kōma ei ril
tukareng hava deari chong
rangāi lui chu ami ngāi kār
āta Pathianin pei inti,’
ati na.
24 Ani,
Samuel ahun lāi len āta aloma deari ngāi dōra le anūka mi chong aril ngāi dōrān atun lāi taka rui hi ei ril u ani na.
25 Nangni hi deari ngāi nāi le na chipui ngāi kōma Pathian adān ankhit athara nāi ngāi na ni u zei.
Pathianin Abraham kōma:
‘Nang na chi nāta maniapūra nam tin hi bōrsāng tung inti,’