Kuitīr sari ngāi anthang
6
1 Hava hun dām lāi han zolāia alūt hi apung riam u na.
Hasika han Grik chong amang Jihudi ngāi chunga Hebrai chong amang Jihudi ngāi chu anuar u na.
Asik chu anikhuana nēksāk haso ei dom u chachakna han amāni arōng u ngāi ha poisak u lāi mak.
2 Hasika han kuitīr sōmleianni ngāiin aloma zolāi ngāi dōra akui zit u na:
“Koinīn Pathian chong amāk raka,
nēk sāk haso nei dom chian hi anhui ni lāi mak.
3 Hasika unāi ngāi,
nangni ngāi bil āta Rathāna abit le malung avār,
le raming anthang,
mi sari athang u ro.
Amāni kōma hiva hasōndom azēk ranga betōk inti.
4 Koini chu bōrzongna le Pathian chong aril tianga hasōndom ranga malung pēk inti,”
ati na.
5 Hiva chong ngāi mipui dōrān rāisān taka apom u na.
Hatuka hiva ngāi hi athang u na,
Stephan,
ama hi iamna le Ratha Ānthianga ābit ani na.
Philip,
Prokor,
Nikanor,
Timon,
Parmen le Nikola,
ama hi Jihudi nama alūt Antiokei khuana mi ani na.
6 Hiva ngāi hi kuitīr ngāi makunga amanding u na,
hatuka kuitīr ngāiin bōr azong sua u le alu chung u na akut abāng u na.
7 Hatuka Pathian chong chu anthek tira,
Jerusalem khopuiām zolāi ngāi apung sabak u zeia.
Hanūk chu chāizūng ngāi bilam tamtak chu iamna tianga ahong zī u zeia.
Stephan ansūr
8 Hatuka Stephan chu iamna le thōtheina ranaka abita.
Mi ngāi kōma sinsiana le tichang abui sin alianpa ngāi athō na.
9 Tenchu hava lāi han Jihudi ngāi anchunna ina mi Azōk anti ngāi le Kurini khuana mi,
Aleksandria khuana mi,
hanūk Kilikia rama mi le Asia rama mi ngāi senkhat adui pōl anding u na,
Stephan chu ankhalpui u na.
10 Tenchu aman ei hianna le chong ei ril le Ratha Ānthiang azāra ama chu dui thei u lāi mak.
11 Hankēng amānīn maruka mi senkhat sum le ei mathēma ei manti u:
“Stephen hīn Mosi le Pathian siat ei ril na riat,”
ati na aman ti u na.
12 Hatuka amānīn mipui le Jihudi pātar ngāi le dān mīnchū ngāi dōra amathok u na,
Stephan achunga ahong thō u na,
asūr u na,
hatuka ruirilna ansāng kōma aruai u na.
13 Hatuka amānīn milaka ariatpui ātampa amanding u na.
Amānīn ati u na:
“Hiva mi hin koini nei ankhōmna hiva in ānthiang le dān siat ei ril hi mong pial mak.
14 Aman:
‘Hiva Nazaret Isua hīn hiva mun hi ei masiat rang ati.
Mosīn rui ei na manlōn ngāi athūl rang ati,’
ati na nei riat,”
ati u na.
15 Hatuka ruirilna ansānga ansut ngāi dōrān Stephan aen chian u na,
amēl chu vānpalāi khat mēl anga aphua zeka amu u na.