Isuan apang
anhīp khat amandam
2
1 Hatuka nikhua asē ual le Isua Kapernaum khuana ahong asuak rēta.
Hatuka mi ngāiin ama chu ina om ati na ariat u na.
2 Hatuka chu makot adēn rak tenpei mun chāk lui khopa mi tampa ahong anchun u na.
Hatuka amān akōm u na chong arila.
3 Hava lāi han apang anhīp mi khat pasal manlīn ahong razōna akōma ahong ruai u na.
4 Tenchu mi ei tam sabak sika Isua kōla vasuakpui thei u mak.
Hasika han Isua ei omna radīna in chung ha alīk u na.
Hatuka hava ei anlīkna taka han apang anhīppa ei zālna zamun chu amasum u na.
5 Hatuka Isuan amāni ei iam zia u amuna apang anhīppa kōma:
“Ka nāi,
āsia nei thō ngāi dōra ka na madual pe zei,”
ati na.
6 Hava han dān mīnchūpu ngāi bila senkhat ansut a om u na.
Amāni hān hintin hin amalung sūng u na andon u na:
7 “Ichang mo hiva mi hīn hin tina chong ei ril?
Sova so Pathian siat aril ni mak mo so!
Pathian khat dak rong nōk chu atei tu mo āsia andual thei a om?”
ati u na.
8 Hatuka amānīn havan tin han amandon u ti Isuan amalung sūnga alei riata akōm u na:
“Ichang mo havan tin han nei mandon u?
9 Apang anhīppa kōma:
‘Āsia nei thō ngāi ka na madual pe zei,’
ati mo abei ual?
Ole,
‘Anthui tānla na munpha adianga kal achōia sē ro,’
ati mo?”
ati na.
10 “Tenchu maniapūra hin koi Miring Nāi Pasalin āsia andualna ningneina ka dōn ti nei riat thei u na ranga kei ti ani na.
Hasika han apang anhīppa kōma:
11 ‘Kei na ril ani zei,
anthui tānla na munpha adianga na ina sē ro,’
kei ti pe,”
ati na.
12 Hatuka anthui lena amunpha adianga amāni lokō maton ngēta asuaka asēna.
Hava sika han alom u na aboi adong u na hintin hin Pathian chu amanpāk u na:
“Hivan tin hin koinīn la mu ngāi mak me hile!”
ati u na.
Levi ei pāina
13 Hatuka Isua chu asuak rēta,
tipui kōla asēna.
Hatuka aloma mipui dōra akōma ahong u na amān alei manchū ani na.
14 Hatuka ama chu asē tira asēna Alphai anāi pasal Levi chu siachōi ansuangna ina alei ansuta avamuna.
Hatuka akōma:
“Ka nūk na hong zī ro,”
ati na.
Hatuka anthuia anūk avazīna.
15 Hava suale hintin hin ani na,
Isua chu Levi ina bu nēk ranga avān suta.
Hava han siachōi ansuang ngāi le mi salui ngāi ātampa Isua le azolāi ngāi bila bu nēk ranga ansut u na.
Asik chu mi tampān Isua nunūk ei zī u ani na.
16 Hatuka Pharisi ngāi bila mi dān mīnchū ngāiin Isua chu mi salui ngāi le siachōi ansuang ngāi bila bu nēka amu u na azolāi ngāi kōma:
“Ichang mo siachōi ansuang ngāi le mi salui ngāi bila bu ei nēk?”
ati u na.
17 Isuan hava ha ariata akōm u na:
“Mi dam ngāi ranga daktor nāng mak,
tenchu dam lui ngāi kēng anāng.
Mi dik ngāi apāi ranga hong ni makung,
tenchu mi salui ngāi apāi ranga ahong ka ni,”
ati na.
Bu ngoi ruia Isua
kōma ankelna
Mt. 9:14 -17 Lk.5:33 -39
18 Hatuka voi khat chu hava lāi han Johan azolāi le Pharisi ngāi chu bu ngoia ei om u chachak ani na.
Mi senkhat Isua kōma ahong u na:
“Johan azolāi ngāi le Pharisi ngāi chu bu ngoi u chachaka,
tenchu ichang mo na zolāi ngāi le ei ngoi u chachak nōk?”
ati na arakel u na.
19 Isuan amāni kōma amasanga:
“Mākpa abil u na a om sūng chu alōm ngāi mo bu ngoia a om ngāi?
Mākpa a om sūng pei chu angoia om u ngāi mak.
20 Tenchu mākpa chu akōm u nāta ei anruaina rang hun ahong suak rang ani zei,
hava tika angoia om unti.
21 Tutēn puan maruana puan athar le diba thō ngāi mak.
Athō ten atharin amarua chu thēt riam inti.
Hatuka ei chet ha lian riam inti.
22 Hanūk chu mīn zu savunbūr maruana gerep zu thar hi thāl ngāi mak.
Athāl anten gerep zu tharin zu savunbūr marua ha makhui inti.
Hatuka gerep zu le zu savunbūr aninīn ha makhui rit inti.
Mīn gerep zu thar chu zu savun būr athar dēna kēng athāl ngāi,”
ati na.
Pōngansa nikhua ranga Puma
23 Hatuka hintin hin ahong ani na,
Jihudi ngāi pōngansa nikhua khata Isua chu bu anlingna phāia asēna.
Hatuka azolāi ngāi chu akal chōi balam
u na bu pār akham tir u na.
24 Hasik han Pharisi ngāiin Isua kōma:
“Enta,
Jihudi pōngansa nikhuana dānin ei phal nōk ha ichang mo amānīn ei thō u?”
ati u na.
25 Hatuka amān akōm u na:
“David le alōm ngāi anēk rang abuia anchām u lāi han hong mo ei thō u ha Pathian Lekhabūna pore u mak che mo?
26 Ama chu chāizūng alian Abiathar ahun lāi han Pathian biak ina avalūta.
Chāizūng rong nōk ten mi teiin sāk thei lui ruti ānthiang andar ha amān avasāka.
Hanūk chu alōm changpui ngāi um ei la pēk,”
ati na.
27 Hatuka Isuan akōm u na:
“Pōngansa nikhua hi miring ngāi ranga ānsin ani na,
miring ni mak pōngansa nikhua ranga ansin.
28 Hāsika han,
Miring Nāi Pasal chu pōngansa nikhuanām Puma kēng,”
ati na.