9
1 Hava suale Isuan akōm u na:
“Chong tataka kei na ril ani u zei,
hivana anding ngāi bila mi senkhat chu Pathian ram chu thōtheina le ahong atung amu u māseng chu thīna tēng u nō ni,”
ati na.
Isua mēl anteina mual
2 Hatuka chu ni ruk suale Isua chu Peter,
Johan,
Jakob ngāi aruaia amāni lim lehan mual ansāng khata avakalpuia.
Hava han amāni matona amēl amanthūla.
3 Apuan ei tiang ngāi chu arial anga angui raheia avār sabaka.
Ramuala puan ansūkpu ngāi ngalin hador han manvār thei u mak.
4 Hava han amāni kōma Elija le Mosi chu ahong anlang u na Isua achongpui u.
5 Hatuka Peterin Isua kōma:
“Rabbi,
koinīn hiva hin om thei ila chu āsa rang kēng,
chubuk in anthum sin inti.
Nang na rang khat,
Mosi rang khat hatuka Elija rang khat,”
ati na.
6 Asik chu āchi rahei u na aril rua itē re u lāi mak.
7 Hatuka ansūm azīng ahonga amāni ahong khuma,
hatuka hava ansūm āta hē ahong asuaka:
“Hiva hi ka Nāi Pasal madit tak,
Ama hē hi rangāi u ro,”
ati na.
8 Hatuka anhoi tuai u lāi tak anlāiseka abil u na a om Isua rong nōk chu tutē mu u lāi mak.
9 Hatuka mual āta ahong achum u lāi han azolāi ngāi kōma ati na.
Miring Nāi Pasal hi āthi ngāi bil āta anthui rēt sua māseng hiva ei mu u ngāi rui ha tutē kōma ril u ta ni,
ati na chonga akhāra.
10 Hava rui ha amānīn amalung sūng u na akhum u na.
Tenchu āthi ngāi bil āta anthui rēt ka ti,
ei ti hi imo a omzia ati na amāni le amāni ankel u na.
11 Hankēng amānīn Isua kōma:
“Ichang mo dān mīnchū ngāiin Elija kēng ahong mānsa rang ei ti u?”
ati na arakel u na.
12 Isuan amasanga:
“Ani lele,
Elija chu mānsana ahong sua zeia,
alom peia ahong manding rēta.
Tenchu hontin mo Miring Nāi Pasal chu achālaka antakna tam ei la tiar rang.
Mīn sumdem ei thōna ei la pei u rang ati na Pathian Lekhabūna ei anziak rēt.
13 Tenchu kei na ti ani u zei,
Elija chu mānsana ahong sua zeia.
Hanūk chu ama ruia Pathian Lekhabūna ei anziak anga achunga mīn ei thō u,”
ati na.
Raluain ei sūr pasal
sanāite khat ei damna
14 Hatuka azolāi ngāi kōma ahong u na aravēl u na mi tampa ahong mu u na.
Hanūk chu dān mīnchū ngāiin ankhalpui u na.
15 Hatuka mipui dōrān Isua ei mu phing u le aboidong sabak u na.
Akōma atān u na chibai avathō u na.
16 Hatuka Isuan akōm u na:
“Hong zāt ruia mo nei ankhal u?”
ati na arakela.
17 Hatuka mipui bil āta mi khatin akōma:
“Mīnchūpu,
ka nāi pasal raluain ei sūra chong thei lui hi na kōma kei hong ruai.
18 Hava raluain asūr kip pei phila ei dēng chachaka,
hatuka acher huan ahong asuaka arakam ei riala ankhir zuak chachak.
Hava ha na zolāi ngāi kōma na razūl pe u ro kei ti,
tenchu thōthei u mak,”
ati na amasanga.
19 Hatuka Isuan:
“Hiva khūka iamna bui monisi ngāi,
hotuk ten mo na bil u na kei la om rang?
Hotuk ten mo na rang u na kei na la diar rang?
Pasal sanāite ha ka kōma hong ruai u ta,”
ati na amasanga.
20 Hatuka ama chu Isua kōma aruai u na.
Hatuka raluain Isua ei mu le nāipangte chu achālaka akhiaka phila adēng raka anluaia acher huan asuaka.
21 Hatuka Isuan apa kōma:
“Hin tina ei omna hi ituk mo asōt zei?”
ati na arakela.
Hatuka apān:
“Nāipangte len āta ani zei.
22 Hanūk chu āthī rang tenpeia voi ituk mo moia le tīna ei andēng chachak ani zei.
Tenchu nangin thōtheina khat na dōn ten,
lungkham na mu tān na san ro,”
ati na.
23 Hatuka Isuan akōma:
“Nangin iamna na dōn thei ten anthōthei.
Asik chu aiam tak pei ranga aloma anthōthei zit,”
ati na.
24 Hatuka anlāiseka nāipangte apa chu ankhēka amit rathi asuak chunga:
“Puma,
ka na iam zei.
Kei na iam thei nōkna hi na san ro,”
ati na.
25 Isuan mipui chu ama tianga ei hong tān amu na raluai kōma:
“Nang chong theilui le kuar asēt raluaipu,
kei na ti ani zei,
asūng āta hong suak ta ro.
Hava pang lūt lāi nō ro,”
ati na angōna.
26 Hatuka raluai chu ankhēka,
nāipangte ha achālaka akhiak suale ahong asuaka.
Hava nāipangte ha athi mēl ruang aphua raheia loko rengin:
“Athi zei,”
ati u na.
27 Tenchu Isuan akut avasūra amathuia,
hatuka ahong anthuia.
28 Hava suale Isua chu ina avalūta azolāi ngāiin akōma:
“Ichang mo koinīn le hava raluai ha nei razūl thei nōk?”
ati na angkhakhata arakel u na.
29 Hatuka amān amasanga:
“Hiva zāt ngāi hi chu bōrzonga le bu ngoia rong nōk ten anzūl thei mak,”
ati na.
Isuan ama ei thī rang rui aphāmān aril rēt
30 Hatuka hava mun āta asuak u na Galili ram arakān u na.
Hankēng chu amāni ei om u na ha tutēn ei riat ranga Isua zōt mak.
31 Asik chu amān azolāi ngāi kōma ei manchūna akōm u na:
“Miring Nāi Pasal hi monisi ngāi kuta ei lān betōk rang,
ei la that u rang.
Hatuka athi suana nīnthum suale anthui rēt inti,”
ati na.
32 Hanum nisela achong ril ngāi ha amānīn re thei u mak.
Hatuka hava ruia ankel rang um ngam u mak.
Tu mo alian khīt rang?
33 Hatuka chu Kapernaum khuana ahong atung u na.
Hatuka insūnga a om lāi han azolāi ngāi kōma arakela:
“Lampuia hong zāt ruia mo nei hong ankhal tir u?”
ati na.
34 Tenchu lampuia han,
tu mo alian khīt rang ti ruia ei hong ankhal u sika han adāirek u na.
35 Hatuka ama chu ansuta azolāi sōmleianni ngāi chu akuia akōm u na:
“Tukareng alian khīt achang rang azōt chu mi tin ranga asīn khīt le mi tin dorbo adom rase,”
ati na.
36 Hatuka nāipangte khat avalāka akār u na amandinga.
Hatuka akut le apoma akōm u na ati na:
37 “Tukareng ka raminga hiva anga nāipangte ngāi āpom tak chu koi ana pom ani na.
Tukareng koi ana pom chu,
koi ni mak ei na pom tenchu koi anatīrpu kēng ei pom,”
ati na.
Koini anadui nōk
chu koini tianga akop
Lk.9:49 -50
38 Hatuka Johanin akōma:
“Mīnchūpa,
koini na nūk zī lui mi khatin na raminga raluai ei razūl na mu.
Tenchu koini na nūk zī lui mi ei ni sika thō nō ro ati na,
nei khār,”
ati na.
39 Isuan amāni kōma:
“Khār u nō ro.
Asik chu tukareng ka raminga tichang abui sin athō chu anrappana ka siat aril len rang om nō ni.
40 Asik chu tukareng nangni ana dui nōk chu nangni tianga akop kēng.
41 Tukareng Krista mi nei ni u sika mīn khuri khat tī anēk ranga ana pēk u chu rātpāk ei man rang āta machān pial nō ni,”
ati na.
Āsia anān thōthei
42 Hanūk chu:
“Tukareng koi ana iama hiva nāipangte ngāi bila angkhat pei chunga āsia thōna asin chu arīnga būnrōtna lung alianpa khita tīpuiliana vāndēng sela aranga sa ual inti.
43 Hanūk chu na kutin āsia ana manthō ten,
tuk tānla pei ro.
Asik chu kut anni dōna thithei lui moi sūmpuia na sē nēk ten,
kut abuia damnana alūt na ranga sa ual inti.
44 ‘Hava ansinsakna muna
han malung ngāi thi ngāi
mak,
moi um thithei ngāi
lui ani na.’
(Isa.66:24 )
45 Hanūk chu na ke hān āsia ana manthō ten,
tan tānla pei ro.
Asik chu ke anni dōna thithei lui moi sūmpuia na sē nēk ten,
ke khor chunga damnana alūt na ranga sa ual inti.
46 ‘Hava ansinsakna muna
han malung ngāi thi ngāi
mak,
moi um thithei ngāi
lui ani na.’
(Isa.66:24 )
47 Hanūk chu na mitin āsia ana manthō ten,
kel tānla pei ro.
Asik chu mit anni dōna antakna moi sūmpuia nān dēng nēk ten,
mit khat le Pathian rama alūt na ranga sa ual inti.
48 ‘Hava ansinsakna muna
han malung ngāi thi ngāi
mak,
moi um thithei ngāi
lui ani na.’
(Isa.66:24 )
49 Miring dōra hi moia ei lān hāl kiar rang ani na.
Asik chu dāli andar chunga machi ei andara ei al thei anga.
50 Machi hi āsa,
tenchu ei alna ha ahek ten mīn hontin mo ei man-al rēt thei rang?
Na sūngrīl u na machi dōn u ro.
Hanūk chu nangni le nangni phūkdāia om u ro,”
ati na.