Nungāk ansenpui rui
19
1 Hatuka hivan tin hin ahong ani na.
Isuan achong ril ngāi dōra asuale Galili ram amāka Jordan dung varāla Judia rama ahonga.
2 Hava han mipui ātampān ama nūk ahong zī u na,
hava ngāi ha amān alei mandama.
3 Hatuka Pharisi ngāi um akōma ahong u na,
ama ansinna thōna ranga ei rakel u:
“Alom pei sika ani zei pasalin anungāk ei māk hi dān anthiang ani mo?”
ati u na.
4 Hatuka amān akōm u na amasanga:
“Aphuta chu amāni āsinpu hān ‘nupang le pasala ei sin,’
ani na.
(Anp. 1:27 )
5 ‘Hava sika han,
pasalin anu le apa māk intia anungāk tianga kop inti hatuka amāni anni ha taksa pumkhat chang unti,’
(Anp. 2:24 )
ati na.
Hava rui ha pore u ngāi
mak che mo?
6 Hasika han amāni chu anni chang u lāi mak,
tenchu taksa pumkhat kēng ani u zei.
Pathianin ei manlop sua chu miringin mansen lāi nō rase,”
ati na.
7 Hatuka amānīn:
“Hanle ichang mo Mosīn ansenna lekha apēka ansenna chong ei pēk?”
ati u na.
8 Amān akōm u na:
“Na malung u ei ankhir sika han Mosīn na nungāk u ngāi ansenpui ranga ei phal kēng,
tenchu aphuta chu han tin han om mak.
9 Kei na ti u ani zei,
tukareng uiare sik rong nōka anungāk ansenpuia nupang atei alāk chu tak chu uiare kēng,”
ati na.
10 Azolāi ngāiin akōma:
“Anungāk lehan apasal ding mun havan tin han aniten,
innei lui kēng āsa rang,”
ati u na.
11 Tenchu amān akōm u na:
“Hiva chong hi mi dōrān pom thei mak,
amāni ranga anpēk ngāi kōm dēn kēng ei anpom.
12 Asik chu thāidōr senkhat chu anu vonsūng āta han tin han ahong anzir a oma.
Hanūk chu thāidōr senkhat,
miringin thāidōr ei sin a oma.
Hanūk rēt chu thāidōr senkhat vānram sika aninga thāidōr ansin a oma.
Tukareng hiva hi apom thei takin pom rase,”
ati na.
Isua le nāipangte ngāi
13 Hatuka amāni chunga akut āsiaka bōr ei zong pe theina ranga akōma nāipangte ngāi ahong ruai u na.
Tenchu zolāi ngāiin hava ngāi ha bāi alei mankham u na.
14 Hasika han Isuan amāni kōma:
“Nāipangte ngāi ka kōma hong ruai u ro.
Khār u nō ro.
Asik chu vānram hi amāni
anga mi ngāi ta kēng,”
ati na.
15 Hatuka amāni chunga akut āsiak suale hava mun āta asuaka ei sē ani na.
Ruathar anchongpa khat rui
16 Hankēng mi khat akōma ahonga:
“Mīnchūpu,
tāituan damna kei man theina ranga hong zāt sin āsa mo kei thō rang?”
ati na.
17 Isuan akōma:
“Ichanga mo āsa ruia nei na rakel?
Mi āsa angkhat dak a om.
Ama chu Pathian ani na,
ama nōk chu tutē mi āsa om mak.
Hanum nisela damnana alūt rang nei zōt sika han chongpēk ngāi dōra zī kiar ro,”
ati na.
18 Hava ha amān:
“Hova ngāi bila mo?”
ati na.
Isuan akōma:
“ ‘Mi that nō ro.’
‘Uire nō ro.’
‘Marusa nō ro.’
‘Milak chong ariatpui chang nō ro.’
19 ‘Na nu le na pa lalchi
thō ro.’
Hanūk chu,
‘Nang na anga na inkōlmi hām madit ro,’
(Lev.19:18 )
ti ngāi dōra ha,”
ati na.
20 Hatuka hava ruatharin akōma:
“Hava ngāi dōra chu nāipangte ka ni lāi āta kei hong zī kiar kēng ani zei,
hanle imo kei ansam ala om?”
ati na.
21 Isuan akōma:
“Anzui rang na zōt ten,
sē tānla na nei na nung dōra vazuar tān anriang ngāi kōma vape ro,
hankēng vānrama dōnglua nei man rang,
hatuka ka nūk na hong zī ro,”
ati na.
22 Tenchu hava ruatharin hava chong ha ariata amalung anngūi chunga ei suaka ei sē ani na.
Asik chu ama ha dōnglua tampa adōn ani na.
23 Isuan azolāi ngāi kōma:
“Kei na ril tatak ani u zei,
anchong ngāi vānrama alūt u rang chu antak rang ba.
24 Na ril rēt u ka ti,
anchong ngāi vānrama lūt nēk ten mākingkang simphuai kuana lūt bei ual inti,”
ati na.
25 Hava chong ha zolāi ngāiin ariat u na achālaka aboi adong u na:
“Havan tin han ani ten,
tu mo adam thei rang?”
ati u na.
26 Hatuka Isuan amāni tiang anhoia:
“Hava ha miring ranga chu athei rua ni mak,
tenchu Pathian ranga aloma athei kiar,”
ati na.
27 Hatuka Peterin akōma:
“Enta,
koinīn aloma na māk zita nang na nūk na zī zei,
hanle hong zāt mo koinīn nei man rang?”
ati na arakela.
28 Isuan akōma:
“Kei na ril tatak ani u zei,
ansinthar rētna hun tika Miring Nāi Pasal kei anlianna chōmphānga ansuta ka om tik,
nangni ka nūk azī ngāi um chōmphāng sōmleianni chunga ansuta Israel nam sōmleianni ngāi chunga rui la ril un na ti.
29 Hanūk chu tukareng ka raming sika a-in mo,
aparual asarzuar mo,
anu apa mo,
anungāk mo,
anāi nupang pasal mo,
aphāi alung mo amāk tak chu mun raza ei la man u rang,
hanūk chu tāituan damna ei la changsa rang ani na.
30 Tenchu mi tamtak mān anta ngāi ha,
nūk ei lān ta u rang,
hanūk chu nūk anta ngāi ha mān ei lān ta u rang,”
ati na.