Èfɛ́sìpa i

Pɔ̀kàta Pɔ́dì wà̰haà-ta Èfɛ́sìpa

Cetá Kam̀má

Pɔ́dì-dà wà̰haà ye pɔ̀kàtà mɛntà-ní Èfɛ́sì weèdɔɔ̀-hòǹhòni. O Weèdi wɛmá cakàma cà̰ǹku dɛ́ɛ̀ku mɛhɛká-dà, ò de cetà-ma ye Weèdɔɔ̀-hòǹhònì-ní (dentá Tɔná 19: 1- 20:1). O de wa̰à̰haà ye pɔ̀kàtà, è péé kódeedí mɛhɛká-dà (dentá Èfɛ́sì 3.1 nà 4.1). Ò há̰ de pú tà wà̰haà Èfɛ́sì weèdɔɔ̀-hòǹhòni cɔ̰́ɔ̰̀di kpɛ́mú, àmá ò de kpɛ̀i kà tá ta̰ntá-ma weèdɔɔ̀-hòǹhòka tɔɔ̀ka.

O pɔ̀kàta wɛyuùka sàka-dà héé: Weèdɔɔ̀pa wɛǹni yòǹ wɔ̰̀ǹku kùcɔ̰́ kú bɛ̀m̀bɛ̀ka-dà nà Sèsí-Kídísì kṵ́mú kpɛ́mú. Wɛyudí tɔɔ̀di-dà héé, o Sèdi ò pà kɔ̰́ɔ̰̀-di yòǹ yḭdó-dà mɛ̀ǹǹ bɛkú-ko è yɔ̀ ò pà fḭ́hìnà. Tɔɔ̀di-dà héé, maafá mɛ̀ǹfà de ti totà-fa nà Weèdi, fà pɔ́dà nà pa̰dí Weèdi ti pɛ̰ḭ-dí kpɛ́mú. O wɛyudí tɔɔ̀di mɛni teǹ weèdɔɔ̀pa wɛǹni-dà, báàpa nà pa bííhí, núm̀ma nà pa dakpɛ̰́m̀ma, poòpa nà pa daapá, nà tɔɔ̀pa tɔɔ̀pa è yɔ̀ pá m'pɛnti pà kó hḭmá é n'naanà pa tɔɔ̀pa, mìì há̰ héé-sa yudí-dà héé, pá bádí weèdɔɔ̀pa ta̰nɛǹti.

Ǹtɛ ye pɔ̀kàtà wɛmá tṵǹ-tṵ̀ǹkaàma ma tɔɔ̀ma:

Èfɛ́sìpa 1.1-2: Dɔɔ̀mu.

Èfɛ́sìpa 1.3-3.21: Weèdi pa̰à̰ nì dɔɔ̀-sa nà yààyó nà Kídísì-dà.

Èfɛ́sìpa 4.1-6.19: Tencí Pɔ́dì kɔ̰́ɔ̰̀-ci : weèdɔɔ̀pa yònà é n'fòùkaàma fòùmu pàm̀mu mɛhɛká.

Èfɛ́sìpa 6.20-24: Dɔɔ̀mu dèǹdèmu.