Sofoni
Sofoni sagɩ tə yuu wa sʋgʋ
Yɩɩ nii sʋ̀sʋ̀nʋ̀ Sofoni swɩ̀n Yɩɩ nii sʋgʋ tə Zwida payuu pɩ̀ʋ́ Zozɩasə pàrɩ̀ máŋá wa. Kʋ máŋá tə wa, də Zozɩasə yà tə wà Yɩɩ nii yìə̀n tə kwɛn, ʋ pa lalʋʋ tə nə (2 Pɛ̀gá 23.1-28). Asiiri tɩ̀án yà cʋ̀gʋ̀ Yɩzərayɛlə jɩzən saparʋ con payuu tə, də payun duən də, yá Zwida payuu tə cɩcɩ dàń yà nə ga, yá kʋ də yà wulə càn nəfarʋ wa.
Ebərə-ba sʋgʋ wa, Sofoni də̀ń nə yɩ lìù tə Ba-Yígúrə́-Jə-Tiu nə səgə, nə à yə̀ə́ lìù tə Ba-Yígúrə́-Jə-Tiu nə swə zənzən. Lalʋʋ tə yà bwe ba tɩ̀àn də Yɩɩ yáá nə wulə də ləzoni mɩɩ yoo lʋʋ wa! Yá Sofoni dàń swɩ̀n ba con də Ba-Yígúrə́-Jə-Tiu dɩɩn tə bɩ̀àn, yá kʋ bá ya pupwən dɩɩn, kʋ dàń nə wá ya dɩɩn, Yɩɩ nə wa bʋ̀rɩ̀ Zwida lʋʋ lɩ̀à də Zwerizalɛmə tɩ̀án bʋra, sə ʋ cʋ̀gʋ̀ ba. Cʋcʋran təntə wá pwàrɩ́ dwíə́ nəkaran tə də. Yá kʋ kwa nə, Yɩɩ wá pìí ʋ kwɛn Zwerizalɛmə ʋ lɩ cʋna wa, ʋ ga kə lalʋʋ tɩʋ tə wa, ba nə yɩ lalaŋa, ba muŋə ba tɩ̀àn, yá ba dəri Ba-Yígúrə́-Jə-Tiu fən.
Sofoni bɩrɩ də Yɩɩ lalʋʋ tə wàrɩ̀ cɩ́gá cɩ́gá nimarʋ ba janɩ də Yɩɩ, də Yɩɩ nə wà dí yáá ʋ lɩ lɩ̀à tə mama ba titəŋi wa, ba nə swə ba tətə pwìí fɩra yìə̀n, ba doni kʋ tə Ba-Yígúrə́-Jə-Tiu nə swə.
Á twara Ba-Yígúrə́-Jə-Tiu,
á mʋ̀ lʋʋ nii tə wa lɩ̀à tə mama,
á nə muŋə á tɩ̀àn,
á ga twá cɩ́gá nə, ndə kʋ mɛ nətʋ!
Á twara cɩ́gá cwəŋə,
á ga sɛ̀ á mun á tɩ̀àn!
Kʋ wàá də Ba-Yígúrə́-Jə-Tiu wá pú
á mʋ̀ yuu nə, ʋ lɩŋa tə dɩɩn nə (2.3).
Sagɩ tə sʋyun
Ba-Yígúrə́-Jə-Tiu dɩɩn tə càn ba kamandon jə (1.1—2.3)
Yɩɩ wá bʋ̀rɩ̀ dwíə́ nəkaran tə də bʋra (2.4-15)
Zwerizalɛmə tɩ̀án tʋn cʋna, yá Yɩɩ wá pìí ʋ kwɛn tɩʋ tə (3.1-20).