Habakukə
Habakukə sagɩ tə yuu wa sʋgʋ
Sagɩ kʋ tə wa, nə na Yɩɩ nii sʋ̀sʋ̀nʋ̀ Habakukə də Yɩɩ nə swɩ̀n də duən. Habakukə wulə pucʋnɩ wa, wʋlʋŋʋ tə də kʋ̀nkʋ̀n yìə̀n tə yɩrɩ, tə nə tʋŋa ʋ bwálɩ́ tə wa ʋ nə wulə, yá mə kʋ nə ʋ ŋʋŋwɩn Yɩɩ con. Yɩɩ le, ʋ swɩ̀n də ʋ wá tʋn Babɩlɔnə tɩ̀án, sə ba kə càn Zwida lʋʋ lɩ̀à tə nə.
Yá Habakukə swɩ̀n Yɩɩ con, də Babɩlɔnə tɩ̀án wʋlʋŋʋ tə, də ba kʋ̀nkʋ̀n yìə̀n tə càn dwə Zwida lʋʋ lɩ̀à nyiən tə. Yɩɩ dàń swɩ̀n də ʋ wá kə càn Babɩlɔnə tɩ̀án də nə. Yɩɩ pɩn Habakukə lwarɩ də ʋ wá bʋ̀rɩ̀ bʋra, ʋ pa ka twá cɩ́gá cwəŋə nə.
Yɩɩ swɩ̀n də máŋá tə wà yí, sə yoo təntə nii sú, yá kʋ máŋá nə yí, kʋ wá tʋn, kʋ nii sú. Kʋ nə swə kʋ dánɩ́ nətʋ mama, Habakukə mɛ sə ʋ ja yala, ʋ ma dàn kʋ, kʋ nə bá kwɛ̀ yɩrɩ. Lìù tə nə jə pubʋnkʋkwɩnan wá tɩ, yá cɩ́gá tíú mʋ̀ wá na mɩɩ Yɩɩ con, ʋ kəni ʋ waa Yɩɩ nə wuuu yɩrɩ (2.3, 4).
Sagɩ tə sʋyun
Habakukə ŋʋŋwɩn, yá Yɩɩ le wá (1.1—2.6)
Lɩ̀à tə nə tʋŋa lwanɩ wá na tə ŋwɩ́rán (2.6-20)
Habakukə bwɩ Yɩɩ nə (3.1-19)