Oze
Oze sagɩ tə yuu wa sʋgʋ
Oze jìgə̀ Yɩɩ nii sʋ̀sʋ̀nʋ̀, Yɩzərayɛlə jɩzən saparʋ con payuu tə wa, Yɩɩ nii sʋ̀sʋ̀nʋ̀ Amɔsə kwa nə, bɩna 750 bɩnɩ tə wa, də ba tə wà Zwezi-Kərisə lɩrɩ. Oze yɩn Yɩɩ nii sʋ̀sʋ̀nʋ̀, kʋ yí bɩna sapʋa də bonu. Kʋ pɩ̀à kʋ swɩ̀n də ʋ yɩn Yɩɩ nii sʋ̀sʋ̀nʋ̀, kʋ va kʋ yí máŋá tə Asiiri tɩ̀án nə ta Samari tɩʋ tə, ba də́ dɩ̀àn kʋ yuu wa, də Yɩzərayɛlə payuu tə tʋrɩ, bɩna 722 də bɩna 721 bɩna tə pwə́rə́ wa, də ba tə wà Zwezi-Kərisə lɩrɩ.
Kʋ máŋá təntə wa, payuu tə yà wulə kʋ pwɛ̀ (2 Pɛ̀gá 14.23—17.23): Zwerobʋamə II pàrɩ̀ tə kwa nə, Asiiri tɩ̀án kwatara tə yà jə fən. Samari tɩ̀án tətə yà pìí ba tɛ duən, ba gwɩ pɛ̀gá, ba ga túŋə́ ba duən, kʋ pa lɩ̀à jon pàrɩ̀, ba ma tʋŋa yìə̀n tə nə ba cwəŋə tì. Lalʋʋ tə pwə́rə́ wa jɩjɩan tə, Amɔsə nə dí yáá ʋ swɩ̀n ʋ zɩgɩ kʋ nə, dàń kwɛn kʋ súrí. Yá kʋ tə nə dwə, Yɩɩ lɩ̀à tə waa tə ba nə kəni Yɩɩ nə bwànɩ̀ zənzən: Kanaan lʋʋ lɩ̀à yɩjʋnɩ cwəŋə tə yà vaŋa lɩ̀à kapʋpʋ, ka súrí lá.
Yɩɩ pɩn kʋ twá Oze də kacwarʋ kasweri nə, ʋ ma bɩrɩ máŋá təntə yojanʋ tə, də kʋ kwa yìə̀n tə nə yɩ nətʋ. Kacwarʋ sonu nə ba fɩra fwa tə bɩrɩ nətʋ tə, Yɩɩ nə na càn: Ʋ lalʋʋ tə nə tà pùə́ nədʋ tɩ̀án də wá tə, fwa ndə ba nə cwàrɩ̀ nə. Yá də kʋ nətʋ mɛ, ba jə yala də Yɩɩ wá pìí ʋ pa ba yazurə, ʋ də ba ga sóní duən zənzən (14.2-10).
Sagɩ tə sʋyun
- Oze kasweri də ʋ sʋgʋ tə yoo (1—3)
- Yɩzərayɛlə lɩ̀à nə yɩ nətʋ, də kʋ tə kʋ nə pɩ̀à kʋ bɩrɩ Yɩɩ nyiən tə wa (4.1—9.9)
- Yɩɩ lɩ̀à tə nə yɩ pwìí bələ tɩ̀án tə dəkuu máŋá ba yigə (9.10—14.1)
- Yɩɩ sonu tə dɩ̀àn dwə won mama (14.2-10)