1 Crónicas
Iuejkakoneuan Adán
1
Iuejkakoneuan Adán katkaj: Set, Enós, 2 Cainán, Mahalaleel, Jared, 3 Enoc, Matusalén, Lamec, 4 niman Noé. Iuejkakoneuan Noé
Ikoneuan Noé katkaj: Sem, Cam niman Jafet.
5 Ikoneuan Jafet katkaj: Gomer, Magog, Madai, Javán, Tubal, Mesec niman Tiras. 6 Ikoneuan Gomer katkaj: Asquenaz, Rifat niman Togarma. 7 Ikoneuan Javán katkaj: Elisa, Tarsis, Quitin niman Rodaním.
8 Ikonneuan Cam katkaj: Cus, Mizraim, Fut niman Canaán. 9 Ikoneuan Cus katkaj: Seba, Havila, Sabta, Raama niman Sabteca. Ikoneuan Raama katkaj: Seba niman Dedán. 10 Cus tajtli katka de Nimrod. Nimrod yejua yoyaj achtoj tlakatl yejuan más ueliya tetlaniya ipan in tlaltikpaktli.
11 Iuejkakoneuan Mizraim katkaj: on ludeos, anameos, leabitas, naftuhitas, 12 on patruseos, caluhitas niman on caftoritas, yejuan teuejkakoneuan de on filisteos.
13 Canaán tajtli katka de Sidón, iyenkuiyokoneu, niman de Het. 14 Iuejkakoneuan Canaán katkaj: de on jebuseos, amorreos, gergeseos, 15 heveos, araceos, sineos, 16 arabadeos, zemareos niman hamateos.
17 Ikoneuan Sem katkaj: Elam, Asur, Arfaxad, Lud niman Aram. Ikoneuan Aram katkaj: Uz, Hul, Geter niman Mas. 18 Arfaxad tajtli katka de Sala, niman Sala tajtli katka de Heber. 19 Heber okipix ome ikoneu, se okitokayotij Peleg, pampa ipan on tonaltin on tlaltikpaktlakamej onoxelojkej. Ikniu Peleg itoka katka Joctán. 20 Joctán tajtli katkaj de: Almodad, Selef, Hazar-mavet, Jera, 21 Adoram, Uzal, Dicla, 22 Obal, Abimael, Seba, 23 Ofir, Havila niman Jobab. Nochimej yejuamej in katkaj ikoneuan Joctán.
Iuejkakoneuan Sem
24 Iuejkakoneuan Sem katkaj: Arfaxad, Sara, 25 Heber, Peleg, Reu, 26 Serug, Nacor, Taré, 27 niman Abram, yejuan no itoka katka Abraham.
Iuejkakoneuan Ismael niman de Cetura
28 Ikoneuan Abraham katkaj: Isaac niman Ismael. 29 Iuejkakoneuan Ismael katkaj: Nebaiot, yejuan iyenkuiyokoneu, Cedar, Abdeel, Mibsam, 30 Misma, Duma, Massa, Hadad, Tema, 31 Jetur, Nafis niman Cedema. Nochimej yejuamej in katkaj ikoneuan Ismael.
32 Ikoneuan Cetura, itlakpasiuau Abraham katkaj: Zimram, Jocsán, Medán, Madián, Isbac niman Súa. Ikoneuan Jocsán katkaj: Seba niman Dedán. 33 Ikoneuan Madián katkaj: Efa, Efer, Hanoc, Abida niman Elda. Nochimej yejuamej in katkaj iuejkakoneuan Cetura.
Iuejkakoneuan Esaú
34 Abraham tajtli katka de Isaac. Ikoneuan Isaac katkaj: Esaú niman Israel. 35 Ikoneuan Esaú katkaj: Elifaz, Reuel, Jeús, Jaalam niman Coré. 36 Ikoneuan Elifaz katkaj: Temán, Omar, Zefo, Gatam niman Cenaz. Niman iuan Timna okipix san se yejuan itoka Amalec. 37 Ikoneuan Reuel katkaj: Nahat, Zera, Sama niman Miza.
38 Ikoneuan Seir katkaj: Lotán, Sobal, Zibeón, Aná, Disón, Ezer niman Disán. 39 Ikoneuan Lotán katkaj: Hori niman Heman. Timna ikniu katka Lotán. 40 Ikoneuan Sobal katkaj: Alvan, Manahat, Ebal, Sefo niman Onam. Ikoneuan Zibeón katkaj: Aja niman Aná. 41 Aná tajtli katka de Disón, niman ikoneuan Disón katkaj: Hemdán, Esbán, Itrán niman Querán. 42 Ikoneuan Ezer katkaj: Bilhán, Zaaván niman Jaacán. Ikoneuan Disán katkaj: Uz niman Arán.
Reyes yejuan tlamandarouayaj ne Edom
43 In yejuamej reyes katkaj yejuan tlamandarouayaj ne Edom ijkuak on israelitas xekipiyayaj nion se rey: Bela, ikoneu Beor. On ueyikalpan kampa otlamandaroj itoka katka Dinaba. 44 Ijkuak Bela omik, Jobab, ikoneu Zera yejuan ualeuaya ipan on kalpan itoka Borsa okalak rey. 45 Ijkuak Jobab omik, Husam yejuan ualeuaya ipan iueyitlalpan Temán otlamandaroj ken rey . 46 Ijkuak Husam omik, Hadad yejuan ikoneu Bedad, okalak rey. Hadad okitlan Madián niman isoldados ipan on ueyitlalpan Moab, niman yejua otlamandaroj ipan on ueyikalpan itoka Avit. 47 Ijkuak Hadad omik, Samla okalak rey, niman otlamandaroj ipan on ueyikalpan Masreca. 48 Ijkuak Samla omik, Saúl okalak rey. Yejua ualeuaya ipan on ueyikalpan Rehobot yejuan onkatka itech on río Éufrates. 49 Ijkuak Saúl omik, Baa-hanán, ikoneu Acbor, okalak rey. 50 Niman ijkuak Baal-hanán omik, Hadad okalak rey, niman otlamandaroj ipan on ueyikalpan itoka Pau. Isiuau Hadad itoka katka Mehetabel. Inanaj Mehetabel itoka katka Matred niman iauela itoka katka Mezaab.