Ikoneuan Israel
2
Ikoneuan Israel katkaj: Rubén, Simeón, Leví, Judá, Isacar, Sabulón, 2 Dan, José, Benjamín, Neftalí, Gad niman Aser.Iuejkakoneuan Judá
3 Ikoneuan Judá katkaj: Er, Onán niman Sela. Iminnanaj yejuamej in yeyimej katka ichpoch Súa, yejuan katka cananea. Pero Er, yejuan iyenkuiyokoneu Judá, okichiu on tlen xkuajli ixpan toTEKO . Yejua ika toTEKO okuilij inemilis. 4 Niman Tamar, isiuamon Judá, okipix ome ikoneu iuan Judá, yejuan intoka: Fares niman Zera. Ikoneuan Judá katkaj makuiltimej.
5 Ikoneuan Fares katkaj: Hezrón niman Hamul. 6 Ikoneuan Zera katkaj: Zimri, Etán, Hemán, Calcol niman Darda. Ikoneuan Zera katkaj makuiltimej.
7 Ikoneu Carmi katka Acar. Yejua okichiu ma uajla tlen xkuajli ipan Israel, pampa okikuik on tlen Dios yotlanauatijka nochi ma kixoxotonikan ken uentli para yejua toTeko. 8 Ikoneu Etán katka Azarías.
On tlakamekayotl de Hezrón hasta on rey David
9 Ikoneuan Hezrón katkaj: Jerameel, Ram niman Quelubai.
10 Ikoneu Ram katka Aminadab, niman ikoneu Aminadab katka Naasón yejuan tlayekanketl katka intech iuejkakoneuan Judá. 11 Ikoneu Naasón katka Salma, niman ikoneu Salma katka Booz. 12 Ikoneu Booz katka Obed, niman ikoneu Obed katka Isaí, 13 Iachtojkoneu Isaí katka Eliab, ika ome, Abinadab niman ika yeyi Simea, 14 Natanael ika naui, Radai ika makuijli, 15 Ozem ika chikuasen, niman David ika chikome. 16 Iminikniuan yejuan siuamej katkaj: Sarvia niman Abigail. Ikoneuan Sarvia katkaj yeyimej: Abisai, Joab niman Asael. 17 Abigail ononamiktij iuan Jeter on ismaelita, niman yejuamej okipixkej iminkoneu itoka Amasa.
Iuejkakoneuan Hesrón
18 Caleb, ikoneu Hesrón, okipix ome isiuau. Se itoka Azuba niman okse itoka Jeriot. Ikoneuan Azuba imintoka katkaj: Jezer, Sobab niman Ardón. 19 Sakin ijkuak Azuba omik, Caleb okinosiuatij Efrata, niman iuan okipix se ikoneu itoka Hur. 20 Ikoneu Uur katka Uri, niman ikoneu Huri katka Bezaleel.
21 Ijkuak Hezrón kipiyaya 60 xipan, okinosiuatij ichpoch Maquir, itataj Galaad, niman iuan okipix se ikoneu itoka Segub. 22 Ikoneu Segub katka Jair yejuan otlamandaroj ipan 23 uejueyikalpanmej ipan on ueyitlalpan Galaad. 23 (Pero Gesur niman Aram okinnoyaxkatijkej on uejueyikalpanmej de Jair, niman no Quenat iuan ikalpanuan pipitikej. Nochi on uejueyikalpanmej niman on kalpanmej pipitikej katkaj 60.) Nochimej yejuamej in katkaj iuejkakoneuan Maquir itataj Galaad.
24 Sakin ijkuak Hezrón omik, Caleb okinosiuatij Efrata, yejuan isiuau katka itataj, niman iuan okipix se ikoneu itoka katka Azur, yejuan onochiu tajtli de Tecoaa.
Iuejkakoneuan Jerameel
25 Ikoneuan Jerameel, iyenkuiyokoneu Hezrón, katkaj: Ram yejuan yakatstiu, Buna, Orén, Ozem niman Ahías. 26 Jerameel okipix okse isiuau yejuan itoka katka Atara yejuan nantli katka de Onam.
27 Ikoneuan Ram, iyenkuiyokoneu Jerameel, katkaj: Maaz, Jamín niman Equer. 28 Ikoneuan Onam katkaj: Samai niman Jada. Ikoneuan Simai katkaj: Nadab niman Abisur. 29 Isiuau Abisur itoka katka Abihail, niman nantli katka de Ahbán niman Molid.
30 Ikoneuan Nadab katkaj: Seled niman Apaim. Seled omik niman xokipix ikoneuan. 31 Ikoneu Apaim katka Isi. Ikoneu Isi katka Sesán. Ikoneu Sesán katka Ahalai.
32 Ikoneuan Jada, ikniu Samai, katkaj: Jeter niman Jonatán. Jeter omik niman xokipix ikoneuan. 33 Ikoneuan Jonatán katkaj: Pelet niman Zaza. Nochimej in yejuamej katkaj iuejkakoneuan Jerameel.
34 Sesán xokipix ikoneuan tlakamej, yej okipix siuamej. Pero kipiyaya sen esclavo egipcio yejuan itoka katka Jarha. 35 Niman Sesán okimak on esclavo sen ichpoch para isiuau. Niman yejuamej okipixkej sen ikoneu itoka Atai. 36 Ikoneu Atai katka Natán, niman ikoneu Natán katka Zabad. 37 Ikoneu Zabad katka Eflal, niman ikoneu Eflal katka Obed. 38 Ikoneu Obed katka Jehú, niman ikoneu Jehú katka Azarías. 39 Ikoneu Azarías katka Heles, niman ikoneu Heles katka Elasa. 40 Ikoneu Elasa katka Sismai, niman ikoneu Sismai katka Salum. 41 Ikoneu Salum katka Jecomías, niman ikoneu Jecomías katka Elisama.
Iuejkakoneuan Caleb
42 Ikoneuan Caleb, ikniu Jerameel, katkaj: Mesa yejuan iyenkuiyokoneu, niman yejua onochiu tajtli de Zif. Niman Maresa on ika ome ikoneu yejua tajtli katka de Hebrón. 43 Ikoneuan Hebrón katkaj: Coré, Tapúa, Requem niman Sema. 44 Ikoneu Sema katka Raham, niman ikoneu Raham katka Jorcoam. Ikoneu Requem katka Samai. 45 Ikoneu Samai katka Maón, niman ikoneu Maón katka Betsur.
46 Efa, itlakpasiuau Caleb, nantli katka de: Harán, Mosa niman Gazez. Ikoneu Harán katka Gazez.
47 Ikoneuan Jahdai katkaj: Regem, Jotam, Gesán, Pelet, Efa niman Saf.
48 Maaca on okse itlakpasiuau Caleb, nantli katka de: Seber niman de Tirhana. 49 Niman no Maaca nantli katka de: Saaf, yejuan tajtli katka de Madmana, niman de Seva yejuan tajtli katka de Macbena, niman de Gibea. Caleb no okipix se ichpoch itoka Acsa.
50 In yejuamej katkaj iuejkakoneuan Caleb. Ikoneuan Hur, iyenkuiyokoneu Efrata katkaj, Sobal, yejuan tajtli katka de Quiriat-jearim, 51 Salma yejuan tajtli katka de Belén, niman Haref yejuan tajtli katka de Bet-gader.
52 Iuejkakoneuan Sobal, tajtli de Quiriat-jearim, katkaj: Reaía, on tlajkotipan de manahetitas, 53 niman on clanes* de Quiriat-jearim katkaj: on itritas, on futitas, on sumatitas niman on misraitas yejuan intech ualejtokej on zoratitas niman on estaolitas.
54 Iuejkakoneuan Salma katkaj: Belén, on netofatitas, Astro-bet-joab, on okse tlajkotipan manahetitas, on zoraitas, 55 niman on yejuan kisaj intech on tlajkuilojkej yejuan chantiyaj ne Jabes: on yejuan kisayaj intech, on tirateos, simeateos niman sucateos. In yejuamej katkaj on quenitas yejuan teuejkakoneuan de Hamat, tajtli de Bet-recab.