Efesus i

Hura Paulus rau hi Jumaa i Efesus

Popailodoa

Ngata Efesus ee mai hangu ngata bohe i Propinsi Asia, to ilodo laiparenta Magau Bohe Roma. Tempo ei nehua rara negara Turkimi. I ria naria hou pepuea hi Artemis, dewi to laipuera todea ngata Efesus. Maria tolu mpae kahaena i Paulus nobago nangkeni Kareba Belo hi to Efesus pade hi tau ntanina i ngata-ngata i propinsi Asia (hilo rara Kis. 19:8-10). Hura hi to Efesus ei mai laitulihina tempona i rara tarungku.

Rara hura ei mai Paulus notulihi nangkambelai patuju Alatala “ane marata mei tempona, hangu hangaa to naria i huruga bo to naria i dunia Napahangu i rara Kristus to nawali woo lako humaweena ee” (1:10) pade nangkambelai kadea rahi habana nohangu rara hante Pueta Yesus Kristus (pasal 1–3). Rara hura ei mui Paulus nopatudu todea Alatala bona mopairara mpuu patuju ee pade mpuu-mpuura matuwu mohangu rara hante Kristus bo mohingkabelo hante ompira to hangu kaparahayaa (pasal 4–6).

Nadea ngaa porapa laipake Paulus rara hura ei. Ewa Yesus lairapaikana woo jumaa, pade jumaa lairapaikana woto Yesus (4:15-16). Naria mui porapa ntanina: Yesus lairapaikana koro watu pondasi, pade jumaa lairapaikana hou to nateaturu pomeuncuna (2:20-21). To neparahaya hi Yesus Kristus lairapaikana tantara to nahadia hante parewa pohiwali lako Alatala mampaewa pepatiwoo Magau Heta (6:10-18).

Ihi Buku Ei

1. Tabe pamulana (1:1-2)

2. Patuju Alatala hi kita to neparahaya hi Kristus (1:3–3:21)

3. Pokaingku to mahipato tababei halaku to neparahaya hi Kristus (4:1–6:9)

4. To neparahaya hi Kristus lairapaika tantara hante parewa pohiwali lako Alatala (6:10-20)

5. Tabe kahuduana (6:21-24)