Kolose i

Surano i Paulus hai jema'a

Kolose

Pobetekino Gau

Die sura niburino i Paulus nta lako hai jema'a Kolose, me'asa kampo da okudahio kota Efesus. I Paulus nai paisa tealo hai Kolose ronga nando da'a mpekato'ori (2:1), sawali i Paulus dahosi peehawa'ira ronga amalaakondo.

I Paulus podeahomo lele kanahi dahira da mpompotisu da tesala hai jema'a Kolose. Nangkuamo koie, kai poburi i Paulus die sura kai pokomentoda'akondo'o miano Kolose pompotisu da menona mekona hai Yesus Kristus, ronga palenga'akondo'o tesalano pompotisudo ko'ira kaguru-guru. Kanahindo ko'ira kaguru-guru, parasaeaho Yesus Kristus te'iaasi petampu'uano, sawali kito ehe awaa toraaha da santo'u-to'u, paraluu'o na'ana nunu'o me'alu petabeno ronga atorano miano, naamo mesombaiho mala'ekati.

Kanahino i Paulus, tendenomo Kristus, kai pompokoda'a Apu Alla pera da da'a hai suruga, kanapo die hai wita'ea, yahomo Kristus kai pokulaloihira mala'ekati (1:16). Kanahino, mondo'o luwu sipano Apu Alla hai Yesus Kristus (1:19), ronga tendenomo Iaa, kai pokomoicoo Apu Alla luwu da da'a kai tepokonaakono wotolu mpantano (1:20). Te'iaasi Kristus pu'uno toraaha da tonia. Nangkuamo koie kai pe'oliwi i Paulus, miano mparasaea osie nunutio petabeno miano, sawali te'iaasi nunu'o ronga perahi-rahio Yesus Kristus.

Ihino sura

1. Salamu (1:1-2).

2. Montarimakasi hai Apu Alla ronga amalaakondo miano Kolose (1:3-14).

3. I Kristus pokulaloiho luwu da da'a (1:15-23).

4. Pohedoano i Paulus moleleako Lele Mohende (1:24 – 2:5).

5. Dadaano miano mparasaea hito boboto'akono Kristus (2:6-15).

6. Osie pinokomporeako atora da mepu'u hai pompotisu da tesala (2:16-23).

7. Basiako sipano toraa da mengkau ronga pake'o sipa da tonia (3:1-17).

8. Oliwi hai miano ngkosamotu'a, miano motu'a ronga anadalo, naamo ata ronga apundo (3:18 – 4:1).

9. Oliwi mekona hai amala ronga bangu-bangu hai miano da sai parasaea (4:2-6).

10. Salamu kompura-puraano (4:7-18).