Ñadeꞌe chido sa saꞌan tami saꞌa Jesús
12
Kida ka iñu kii sa kesaꞌa viko pascua, saa Jesús ñuu nani Betania, ñuu io Lazaro nu kída ia sa nandoto. 2 Kída guaꞌa nu sa kaj dini Jesús ya kuan io ia jukua, Marta chiꞌi nu koꞌo san Lazaro intsaku nu xiꞌin Jesús sa kaj nu ndidaa nu. 3 Danduu María neꞌe nu ndaa dagua litro ndutsa tami nardo xaꞌvi ntseꞌe xi, san chído nu saꞌa Jesús san ndáda xichi nu xiꞌin xidi d̶iki nu.a San nee tuꞌu veꞌe nasaꞌan tami. 4 Doko en tsa nchiko ñaꞌan xi ia, tsa nani Judas Iscariote tsa diko ñaꞌan xi ia kachi tsa:5 —Naku ti kuyaꞌvi sa saꞌan tami yaꞌa kuan xaꞌvi ntseꞌe xi, san nakua ñaꞌan tuini yukua xi ndidaa ñayii ku ndaꞌvi?
6 Doko kachi tsa jaꞌa, adi sa kunda-ini nchisa tsa ndidaa ñayii ndaꞌvi, kachi tsa duꞌua kuan en ñaduꞌu kuu tsa, kuan tsa yaꞌa xu keꞌe tuini ndaꞌa xi san xu duꞌu tsa tuini xu taka. 7 Danduu Jesús sadaa ia:
—Kodaa nu. Kuan sa saꞌa kii yinduj ntsu chóguaꞌa nu ndutsa tami yaꞌa. 8 Kuan duꞌua ni koo yo ndidaa yo xiꞌin nu kundaꞌvi yab doko ntsuꞌu adi duꞌua ni koo ntsu xiꞌin yo.
Ndatoꞌon tsa ndidaa tsa sa kaꞌni tsa Lazaro
9 Kuaꞌa ntseꞌe judiu nitoꞌon sa io Jesús ñuu nani Betania san saꞌan tsa ndidaa tsa ntsa jukua, adi ni Jesús ya nchu kini tsa ndidaa tsa nchu kini tsa Lazaro kuan tuku, nu kída ia sa nandoto. 10 Doko ndidaa dutu ku jnuu xi ndátoꞌon tsa sa kaꞌni tsa Lazaro kuan, 11 kuan sa saꞌa nuyaꞌa kuaꞌa ntseꞌe judiu kesaꞌa xininchisa ñaꞌan xi Jesús.
Jesús yii ia Jerusalén
12 Kuaꞌa ntseꞌe ñayii saꞌan Jerusalén viko pascua. San nduu enka kii niꞌitoꞌon tsa sa kixi Jesús Jerusalén 13 san saꞌntsa tsa ndidaa tsa ñoo san kee tsa sa natan ñaꞌan tsa xi ia, san kana tsa niꞌi ntseꞌe ndidaa tsa:
—¡Na chiñuꞌu ndo Ndios!c ¡Na kunaꞌnu tsa vaxi xiꞌin sa tastuni Ndios, kuan tsa yaꞌa kuud j-rey Israel!
14 niꞌi ia en burru saa luchi san sa kodo ia te, kuenta yodotuni s-tutu ii Ndios:
15 Ndidaa yoꞌo ñayii io ñuu Sion ma yuꞌu yo.
Ntsaꞌa ka adi j-Rey yo vaxi,
Yodo tsa en burru saa luchi d̶aꞌa en burra.e
16 Ndidaa tsa nchiko ñaꞌan xi ia ti sakuituni xanaa tsa sa ndidaa toꞌon yaꞌa kaꞌan xi Jesús. Doko kii kidakaꞌnu ñaꞌan xi ia, nakaꞌan ndidaa tsa yaꞌa ndidaa sa yodotuni sa kuu ia, san ndidaa jaꞌa táꞌan ia.
17 Ndidaa ñayii ío xiꞌin Jesús kii kana ia san na kee Lazaro sa yenduj jnu. Ndidaa tsa yaꞌa kuu tsa nakani xi ndidaa ñayii. 18 Juandiku ndidaa ñayii yaꞌa kee tsa ndidaa tsa ki natan ñaꞌan tsa kuan tsaku s-tsa sa kída ia ndidaa sa naꞌnu yaꞌa. 19 Dandu ndatoꞌon ndidaa fariseu:
—Ntsaꞌa ni ka, ti kachi kadi ndo xuꞌu nu yaꞌa. ¡Ndidaa ñayii nchiko ñaꞌan jnu kuaꞌan!
Uu griegu nanduku ñaꞌan xi Jesús
20 Sa io ndidaa tsa kuaꞌan viko pascua io uu tsa kaꞌan griegu kuaꞌan tsa ku chiñuꞌu tsa Ndios tuku. 21 Tsa yaꞌa kuyachi tsa sa io Felipe, tsa kuu ñuu nani Betsaida xuun Galilea, san sakondaꞌavi tsa san sadaa tsa:
—Xanii, nchu ntsaꞌa da Jesús.
22 Felipe saꞌan tsa sa kadaa tsa xi Andrés. Danduu Andrés xiꞌin Felipe sa kadaa tsa xi Jesús. 23 San Jesús sadaa ia:
—Saa kii sa kadakaꞌnu ñaꞌan Ndios ia kuu Tata xi ia nduu ñayii ñuyii yaꞌa. 24 Kachi toꞌon ndaa ntsu yo, sa tu ma daka ndo trigu san ma yinduxi xiti nuꞌu, ma kana san ma kaya, doko tu na daka ñaꞌan xi san nandeꞌe sa kuu tata ndasa na kana san na kaya ntseꞌe. 25 Andu nchoxi xuyiif xi, san kuu; doko andu ti nchoxi xuyii xi ñuyii yaꞌa, san niꞌi ñuyii ma ndeꞌe.g 26 Tu andu nchu kuinokuachi ku nuu ntsu, na kunchiko ñaꞌan kuntsu, san ami nakoo ntsu sa juan koo nu xinokuachi ku nuu ntsu kuaan tuku. Andu xinokuachi ku nuu ntsu san ku Tata ntsu kadakaꞌnu ñaꞌan ia xi.
Jesús kaꞌan ia sa kuu ia
27 Ta-uꞌu ntseꞌe ku kuanaa ntsu vita. Nasa kada ntsu ama kadaa ntsu xi ku Tata ntsu sa na dita tsa sa uꞌu vaxi sa nayaꞌia ntsu, doko ma kadaa ntsu kuan vaj ntsu sa taꞌan ntsu ndidaa jaꞌa 28 Taa, kadakaꞌnu ni sa tastuni ni.
Danduu kaꞌan Ndios ntsaa andivi:
—¡Ntsuꞌu dánaꞌan ñaꞌan ntsu sa tastuni ntsu san danaꞌa ñaꞌan nituku ntsu!
29 Ndidaa ñayii xuku juan tsaku xi, san kachi tsa en ñúꞌu kaꞌan. Doko dagua tsa kachi:
—En ángel kaꞌan s-tsa.
30 Jesús káꞌan ia san kachi ia:
—Adi sa saꞌa ntsuꞌu tsaku tachi yaꞌa, sa saꞌa yo ndidaa yo juandiku tsaku tachi yaꞌa. 31 Sa saa kii ndakakuachi Ndios xi ñuyii yaꞌa, san vita kineꞌen ia diablu sa yeꞌe ndaꞌa xi ñuyii yaꞌa 32 San ntsuꞌu kii na ndaneꞌe ñaꞌan ku ntsu jnu nuꞌu ya, san kada ntsu sa na kij yo ndidaa yo sa io ntsu.
—Ntsuꞌu ndidaa ntsu tsaku ku ntsu ley, sa kachi sa Cristu ia kida sa nanitaꞌvi ma ndeꞌe ia.h Naku kachi yoꞌo sa ia nduu ñayii ñuyii yaꞌa ndaneꞌe ñaꞌan jnu tuda? Andu kuu ia nduu ñayii ñuyii yaꞌa tuda?
35 Danduu Jesús sadaa ia:
—Saku nika koo ntsu sa dayeꞌe ntsu yo ndidaa yo ñuyii yaꞌa. Ndinoo ndidaa yo vita ni io sa dayeꞌe, kuan na dayuꞌu ñaꞌan sa naa yo; kuan nu ndinoo sa naa san nisa ti xini nu ami kiꞌin nu. 36 Neni dayeꞌe ntsu san kininchisa ñaꞌan ku ntsu, kuan na ku kuu yo nu xininchisa ñaꞌan ku ntsu.
Toꞌon yaꞌa kaꞌan Jesús, san kuaꞌan xika ia san xinodaꞌavi ia xi ndidaa tsa yaꞌa.
Ti nchu kininchisa ñaꞌan ndidaa judiu xi Jesús
37 San kuaꞌa ntseꞌe señal kída ia sa io ndidaa ñayii yaꞌa kuan ndasa na kini tsa andu kuu ia doko nisa duꞌua ti xininchisa ñaꞌan tsa xi ia. 38 San duꞌua xínotaꞌan sa chidotuni profeta Isaías sa kachi:
Toꞌo Andu xininchisa ku toꞌon ndo?
Andu xini nchisa sa tastuni nii
39 Juandiku ti en xininchisa, kuan Isaías chídotuni tsa tuku:
40 Ndios, da kuaa ia ndidaa tsa yaꞌa
san ndada ntsee ia xanaa tsa yaꞌa ndidaa tsa;
kuan kuani daa na ntsaꞌa tsa san ma kini tsa xiꞌin ma kukuituni xanaa tsa,
san ma naxiko kagua tsa sa io ntsu, ndasa na ndadaguaꞌa ñaꞌan ntsu.j
41 Ndidaa jaꞌa chidotuni Isaías, kuan xini tsa sa sandutsa Jesús san kaꞌan tsa sa kuu ia.
42 San duꞌua kuaꞌa ntseꞌe judiu xíninchisa ñaꞌan xi Jesús xiꞌin ntsa ndeꞌe uu tsa kunaꞌnu xininchisa ñaꞌan xi ia, doko sa saꞌa ndidaa fariseu ti xu kaꞌan ndidaa tsa yaꞌa, ndasa ma kineꞌen ñaꞌan s-tsa xiti veꞌe sinagoga. 43 Kuan nchóx ka tsa sa na kadakaꞌnu ñaꞌan ñayii s-tsa, san adi sa na kadakaꞌnu ñaꞌan Ndios s-tsa.
Ndidaa s-toꞌon Jesús ndakakuachi xi ndidaa ñayii
44 Doko Jesús niꞌi ntseꞌe kaꞌan ia san kachi ia:
—Andu xininchisa ñaꞌan kuntsu, san adi ni ntsuꞌu xininchisa, xininchisa ñaꞌan xi ia tsandaꞌa ñaꞌan kuntsu tuku; 45 San andu xini ñaꞌan kuntsu san xini ñaꞌan xi ia tsandaꞌa ñaꞌan kuntsu tuku. 46 Ntsuꞌu kuu sa dayeꞌe vaxi ñuyii ya, ndasa ndidaa nu na kininchisa ñaꞌan kuntsu ma kendoo nu sa naa. 47 Tu andu tsaku xi sa kaꞌan ntsu ya san ti kida, ntsuꞌu ma ndakakuachi ntsu xi; kuan ntsuꞌu ti vaj ntsu ndakakuachi ntsu xi ñayii ñuyii yaꞌa, vaj ntsu ndasa na naniꞌi ñayii ñuyii mandeꞌe. 48 Andu ti xinimani ñaꞌan ku ntsu san ti kida sa kachi ntsu san io andu ndakakuachi: Toꞌon kaꞌan ntsu ya toꞌon yaꞌa ndakakuachi kii nandeꞌe ñuyii ya. 49 Kuan ntsuꞌu ti kaꞌan ntsu ku toꞌon mee ntsu; kaꞌan ntsu s-toꞌon ku Tata ntsu ia tsandaꞌa ñaꞌan kuntsu, ia yaꞌa táꞌvichiion nasa na kaꞌan ntsu xiꞌin sa dakuaꞌa ñaꞌan ntsu. 50 San xini ntsu sa sa taꞌvichiion ku Tata ntsu kuu sa taxi ñuyii ma ndeꞌe. Duꞌua juandiku ndidaa sa kaꞌan ntsu kaꞌan ntsu ndaa táꞌvichiion ku Tata ntsu.