Lukas i

Kareba Moromiꞌ To Noꞌukiꞌ Hi

Lukas

Pampemolukana Lolita

Hi Lukas, iomo haduo sando to mampoꞌowoni hi Paulu i pantengkaꞌana mampowute Kareba Moromiꞌ (Kol. 4:14; 2Tim. 4:11; Pil. 24). Uluꞌ-uluꞌna io moparesaꞌ lolitonana hi Yesu ka toaꞌ to uwaꞌ hiꞌoꞌalu hante hi Yesu ( 1-2). Koꞌukona noparesaꞌ lekiꞌ-lekiꞌna, noꞌukiꞌ Kareba Moromiꞌ hieꞌe.

I lali suraꞌ hieꞌe, hi Lukas mampokononto tungkaihana hi Yesu humei pe duniaꞌ, iomo “Hingkeꞌna mampaliꞌ toaꞌ to moꞌela ka Pueꞌ Ala, hei mohompoꞌhi ka pehuku dosara” (Luk. 19:10). Hi Yesu humei pe duniaꞌ mangkomi kotuwuꞌ to wolaꞌ pe lekiꞌ-lekiꞌna toaꞌ, handoꞌio pe toYahudilu (Luk. 2:10, 2:30-32, 3:6, 24:47.) Ane tobasaꞌi Kareba Moromiꞌ hieꞌe, hingkiꞌ tongawa rimane hi Yesu pe toaꞌ to merima-rima tuwuꞌra, pe toaꞌ to madosa, pe towoweꞌe hante pe oꞌanaꞌ.