Markus i

Kareba Moromiꞌ To Noꞌukiꞌ Hi

Markus

Lolita to mampokononto ohina suraꞌ

Motuntuni tosarani hampiha, Kareba Moromiꞌ hieꞌe noꞌukiꞌ haduo tomaꞌani to nikokeneꞌi hi Markus. Io to rotiꞌi woꞌo hi Yohanes (Basa Suro 15:37). Uluꞌ-uluꞌna io mampoꞌawa hi Paulu hante hi Baranaba (Basa Suro 13:5). Uko tiꞌo, io metuntu pe hi Peturuꞌ i patengkaꞌra mampowute Kareba Moromiꞌ. Hapo to nohori ka hi Peturuꞌ, tiꞌomo to noꞌukiꞌ i lali Kareba Moromiꞌ hieꞌe.

Ane tobasaꞌi Kareba Moromiꞌ to noꞌukiꞌ hi Markus hieꞌe, tobahaꞌ hapo to nowali hante to nopoturuꞌkiki hi Yesu. Hi Yesu mampowute Kareba Moromiꞌ to mantiꞌi kohingkiꞌ hupaꞌna poparentane Pueꞌ Ala i duniaꞌ hieꞌe (1:14-15). Io makuasaꞌ mampokoꞌoriꞌ to mohakiꞌ hei makuasaꞌ woꞌo mampopesuwu lomoa to mampekahi toaꞌ.

Tungkaihana hi Markus moꞌukiꞌ Kareba Moromiꞌ hieꞌe, hingkeꞌna mampokononto pe toaꞌ kohiYesuna Datu Topohompoꞌ, Anaꞌna Pueꞌ Ala. (Basa 1:1, 11, 24, 3:11, 5:7, 8:29, 9:7, 14:61-62, 15:39.) To notungkai woꞌo, mampokaroho pepoꞌohinta metuntu pe hi Yesu hingkeꞌna tontonaki mantaha, kehapoꞌi uwaꞌ to merumpa (Basa 8:34-38, 10:29-31).