Yohanise Modhe Odo
Do'o
Ha Yohanise modhe odo diizzasi Yesuusay erusicho tamma lam'i geritukaafa bidzo maaqicha Yohaniseko. Esadey Zabdoose, esindo na'i Yayqoobe hidiko u maaqicha.
Ha modhe odoy diizuttosi 50 Maaro Bera googiya oo'oyne 85 Maaro Bera googiya maaddho badi dhagguwasso hidiko e hiyutte.
Ususe e diizzo geriti ha saha bakka yese aadexeesitako. Massi e diizosini Yesuusay Wonto yele maaqesaara esa aadexeesiti koolona yeso keengesaara addusese wordiko. Ye koolo makkina yeso axi hattiyafa ayti e degexesi be yeso gidda Laaxi Yesuusay aadena yeso oge maaqenike aadexenako.
Yohanisey axi gidda yooda Yesuusay Wontowara kahiniyara e maaqenike matiko e uquse. Yesuusay hantosaafa oddhe micushe hantawoy Yohanise Modhe Odowa diizuttesesa maaddhakoni izzuppi micushe hantitako fede modhe oditukaaka diizutto baasiti ha modhe odowawo diizuttesa (2:1-14; 4:46-54; 5:1-9; 9:1-7; 11:1-44; 21:1-14). Ye esawoni e maaddho baane fede modhe oditi giddaa bentuwa erunxitako ha essa ni degexe. Be erusso erunxiti giddaaka ha saha gara ni yeso giddaa muhe abako Wonto zeeriyara wolko bishushiko e uquse. Ye usitini waaxe, fo'e, boora, yeemaxe, oge ye esa bisshesheshitako.
Ha modhe odoy shahuttosi izzuppi godoko:
1. 1:1-34 Yesuusay oone e maaqesaara Xhamaqicha Yohanise hantaara
2. 1:35-51 Yesuusay be erusichoshita xheydosa
3. 2:1 - 12:50 Yesuusay hanto micushe laappi zeeritaara e erusosaara
4. 13:1- 19:42 Yesuusa maddhaara e haybowara
5. 20:1-31 Yesuusay haybo iisshi dendosa
6. 21:1-25 Yesuusay be erusichoshituse addeydosa.