Anxuttaasiti Hanto Hanta
Do'o
Ha Anxuttaasiti Hanto Hanta fissharo diizzasi Luqaase Modhe Odoni diizza hakime maaqicha Luqaaseko. E diizuttosini Tawofilosese e maaqusune 63 - 70 Maaro bera gidda maaddho badi dhagguwasso hidiko e maxutte.
Ha fissharoy Kristosay afaaka be kesso geede Ayaana Geeshi badena waakidi ha saha gara hantiya e yesesako e adduse. Ye esawo e maaddho baanne, Kristosay otechonike modhe odoy Yerusaleemiyafa ayti saha wosula aallo waakidi e ellosaara Wonto zaway waakidi aatosaarako e ohe. Yeydiwo Ayhuda maaquwasita Wontoy ettesenike anxuttasiti Yerusaleeme bhikkilutti ato uqussi beeka u wor'osa addusesi ha fissharoko.
Feday ha fissharo fedeesitume shahuttesesa mahesi Matoose Modhe Odowafa ayti Yohanise Modhe Odo aallo yese modhe odoseni Rooma Woossowafa ayti Haraje Fissharo aallo yese woossoseni giddaa yesine fotuxesa be maaqesunako. Anxuttaasiti bhikkiluttese axuse Wonto kato aakussi u otosa bidzi bidzi godo degexako nu degexe. Ye u oto Wonto katoy axiti giddaaka keddaydese osana e hantichonike ha fissharowa diizuttese hantitako beysesa.
Ha fissharoy shahuttesi laappi godoko:
1. 1:1 - 7:60 Yerusaleemiya aadexeesiti aati diccoshaara
2. 8:1 - 12:25 Yerusaleeme denda waayyena modhe odoy Yuudakaara Samariyakaara ellosa
3. 13:1 - 14:28 Bidzunxo wogga Phawlosey modhe odo aandosa
4. 15:1-35 Yerusaleemiya maaddha bhikkilo
5. 15:36 - 18:23 Lakko wogga Phawlosey modhe aandosa
6. 18:24 - 21:16 Haysso wogga Phawlosey modhe odo aandosa
7. 21:17 - 28:31 Aallicira woggaa Phawlose gara ella maddha