Luqaase Modhe Odo
Do'o
Ha modhe odo diizzasi Phawlosey beera etti hanticho hakime maaqicha Luqaaseko. Be yeluttena Ayhuda e maaquwannikeko olo Wonto zawa eraxiti u adduse. Be bade maaqe Tewofilose sungicha axuse ha fissharo e diizzosi e siidecho modhe odoy aade e maaqenike esuse addusese wordiko. Luqaasey Ayhuda maaqe dheeddakoni fede modhe odita diizza geritume gardi erdese axe e maaqenikeko ha e diizzo modhe odowafa erese ni danda'e.
Ha modhe odoy e diizuttosi 60 - 80 Maaro bera giddaaka maaddho badi dhagguwasso hidiko e maxutte.
Luqaasey Yesuusay Wonto yeliyara yeydiwo axi yeliyara e maaqenikiyara axe uddi loolusesa e maaqenikiyara matiko e uquse. Ha fissharowaka Luqaasey fedeesitume aakona e uquse maxoy ha usitako: 1. Ayhudaxitani maaqqe Ayhuda maaquwasiti Wonto maxona wol genniwo u maaqesa; 2. Yesuusay Wonto shidhoosuse malla godoko e inge; be xhamaquttoniyaka Wonto e shidhosa diizzasi Luqaasewoko; 3. Wodumitukofa jhi'ituse aako godoko e inge; 4. Laaxi cubbachituse keenge gawwo aakete e adduse; 5. Yesuusase ingutta sunsaafa "Axi yele" yeydi hine sunxi hade maageteke yese keddaydese kuxa sunxe e maaqesako tiddhissi e gade.
Ha fissharoy shahuttesi izzuppi godoko:
1. 1:1-2:52 Xhamaqicha Yohaniseni Yesuusani yeluttosa
2. 3:1 - 4:13 Xhamaqicha Yohanise hantaara Yesuusay naa'utti e beeyuttosaara
3. 4:14 - 9:50 Yesuusa hanta Galila wudiya
4. 9:51 - 19:27 Yesuusay Galilaafa Yerusaleeme hangisine e erusosa
5. 19:28 - 23:56 Yesuusa maddhaara e haybowara
6. 24:1-53 Yesuusa haybo denxo gishaara afaa e kesso gishaara