Marqoose Modhe Odo
Do'o
Ha modhe odo diizzasi Marqooseko. Esini Ayhudaxiti nuunana Yohanise Roomaxiti nuunana Marqoose hidiko e xheygutticha. Esindoy Maarame (Anxu 12:12) e akko na'i yeley Barnabase hidiko u hiyutte (Qla 4:10).
Marqoose Modhe Odoy burona diizuttesesa e maaqenikeko e zeerutte. E diizuttosi 50 - 60 Maaro Bera giddaa maaddho badi dhagguwasso.
Ususe e diizosi Rooma gerituse maaddho badi dhagguwasso hidiko acha yecha Wonto zawa eraxiti be maxo u uqusese.
Marqoosey Buro Caaqo fissharowafa laganani go'utto baasso. Yesuusay axe maaddhi Wontose hantesa e maaqenike matiko e uquse. Marqoosey diizese wordosi Yesuusay zeerdo zeeriyara e eruso eraara lagana e maaddho baanne e hanto micushe hantitako. Fede modhe oditume Marqoose modhe odoy hata maaqusune essaaka Yesuusay hanto micushe hantiti aakonako e diizuttese. Ha modhe odowa lagana bente katiti "Yenniyawo, ukkenawo, yeydiwo" hidi hinesako.
Ha fissharoy shahuttesi izzuppi godoko:
1. 1:1-13 Xhamaqicha Yohanise hantaara Yesuusay naa'utti beeyuttosaara
2. 1:14 - 9:50 Yesuusay hanto hanta Galila wudiya
3. 10:1-52 Yesuusay Galilaafa Yerusaleeme handosa
4. 11:1 - 15:47 Yesuusa maddhaara e haybowara
5. 16:1-8 Yesuusay haybowafa dendo gisha
6. 16:9-20 Be erusichoshituse Yesuusay addeydosa