Galatia
Nimi Sembe
Paulusti Mome Toro Pibogne
El nenerop yubu palilamap
Samenag Paulusti nimi tala-tala wamek nimiag Yesus yubu walinge ambatto tongolamsiogpa, yubu eneko nimi maiknori wali ka'elamekti, sik senelamek. Sik senelamek aghana, nimiri hailamsiekti, “Yahudi sisa kom nimi tanekori Musari aruksirop yubu salero ul pheng to kom to?” aro haiptangto leldalamek. Wene aro leldalamekpa, Paulusti tam nene sembe yubu ambarelamsiogti, “Allahap nimiap nen sae tiptangto ma'aptanep nena, Musari aruksirop yubu pere agha kom, aghana Yesusag wana paliropne pere agha Allahap ma'aptanep,” aro ambarelamsiog.
Wene aro ambarelamsiogpa, Yesusag wana palirop nimi Galatia so'oag wamek. Galatia so'o aneko Asia so'oag wamogpa, as maikno Galatia so’oag ubu piamek. Yesusag wana paliro winildalamek nimi wamekag aneko Paulusti yubu toraplamek nimi yingkina Galatia nimi yubu ambarelamsiek. Yubu ambarelamsiekti, “Musari aruksirop yubu saelba ul palapmun taneogna, Allahap sae tiptangto ma'aptanep,” aro ambarelamsiek.
Wene aro ambarelamsiekpa, Paulusti Galatia nimi sembe “Ekel ina palamikag,” aro yubu ene lero mome toro pibogti, “Tarel phi,” aro poghog. Paulusti yubu ambarelamsiognena, “Nimiri yubu mo ambarelamsin kom,” seog. Paulustina, “Allahri na wepto, ‘Yesus yubu walinge Yahudi sisa kom nimiag ambarel phi,’ aro na pogneogpa ambarelamsin,” seog.
Paulusti Galatia nimi sembe mome toro pibogha lomag wamlange
Paulusti eldamneap Yesus yubu walinge ambarelamsiogneap sembe tibin nenero ambatsiogha (1:1-2:21)
Allahap nimiap sae tiptangto ma'aptanep nena ot Kristus ponekoag wana paliropne pere agha ma'aptanepne sembe (3:1-4:31)
Kristus ponekori nu wali sae lopsiogpa, Allah Eldamne Yame Walingeri nu yepto menangalamsilne sembe (5:1-6:10)
Paulusti mome komobanebag wenero kipsiogne (6:11-18)
Paulus samenag yabalamog mog so'ona ane (1:0)