1 Petrus i

Petrus ni surat pertama

Ngribatin Luryain

Petrus narengi ni surat luryain ye ber tomwatar ma to Yahudi sir ma ralele Yesus. Sir ye ma ramin monuk mpenempen na propinsi Asia kecil (1:1) ma lere ye rtar feti Turki. Petrus ye Yesus Ni manglartar sa ma neluk mangnrur gereja na kote Yerusalem. Noak ma nose surat ye, i ntak Silas ma narengi (5:12). Sir radu a rarengi surat ye nof ngarak 64-68. Noak a ne tomwatar rose suse ma rtean sir ma ralele Yesus ninr Ray Silai (1:13; 2:3; 2:11-17; 3:1-7; 3:8-12; 4:7-11; 5:1-11).

Iane nwayat ma Petrus narengi surat ye ber sir la nafkoran sir ma ralele Yesus nema bonir ral ma rabare susar a ne. Ma nsurat sir a nbal ma ka rmorip a rlarat Ratu Ni mpempeang (4:1-6), ma rose rlarat contoh ma Yesus nose ber sir a ne (2:18-25). Ma I neluk baty momorip ber sir (2:4-10). Ma I nsurat sir a nbal nema noak ma rkoman suse fali ralele Yesus, ka dedesar ma rsabar (3:13-22; 4:12-19). Ma nfalak a nbal feti Ratu keta nfair sir fali Ni dalamy ngamone (1:3-12).

Surat ye isiny

1:1-2 Petrus ni ngribatin luryain

1:3-12 Ratu nfair tomwatar ma ralele Yesus

1:13; 2:10 Boloka tomwatar rkoman suse nempa ka dedesar ma ralele Yesus

2:11; 4:19 Tomwatar ma ralele Yesus ka kete rafdas sir ma dedesar ma rkarya ber Ratu

5:12-14 Penutup.