2 Petrus i

Petrus ni surat kedua

Ngribatin Luryain

Petrus narengi ni surat kedua ye ber tomwatar ma to Yahudi sir ma ralele Yesus. Koko i ma narengi surat ye (1:1). I narengi surat ye ngarak 63-68. Noak a ne tuanggurw lepuskwar yadin raftutu nir anftutw lepuskwar la rfule tomwatar. Mpa Petrus nose surat ye la nbangal sir.

I narengi surat ye ma nafkoran tomwatar ma ralele Yesus nema dedesar ma rmorip a rlarat Ratu Ni mpempeang, ma ramkoran ma ralele anftutw botunar na Yesus (1:3-21; 3:17-18). Ma i nafbotin ber tomwatar ma ralele Yesus ma kete rlarat tuanggurw lepuskwar a ne nir anftutwar. Ma ka ratliur nir anftutw lepuskwar a ne ma rbangal tomwatar ma raftutu anftutwar a ne (2:1-22). Petrus nsurat sir a nbal feti keta Yesus nma nbali saryamprene. Nempa noak ma I to nma fuky e, nal let ber tomwatar ma rtate nir salar, fali to nmpeang ma Ratu nukun tomwate fen lese nbal. Mpa tomwatar ma rmorip e rangamon ror Ratu, keta nfair sir. (3:1-16).

Surat ye isiny

1:1-2 Petrus ni ngribatin luryain

1:3-15 Tomwatar ma ralele Yesus ka rmorip a rlarat Ratu Ni mpempeang

2:1-22 Petrus nsurat tomwatar ma ka rajake sir rof tuanggurw lepuskwar

3:1-16 Yesus ninr Ray Silai nyoding feti keta nma nbali saryamprene

3:17-18 Penutup.