Inyarubha ya okwamba ya
Peetero
Obhutangati
Inyarubha inu, ꞉yaakaamirwe na Peetero, itumwa ya Yeesu Kirisito. ꞉Aakaamiiye abheekirisya bhoone bhanu bheekaaye rwa abhagenyi ku‑chaaro kunu (1:1). Kwiya kaafu kaatogora abhasomi bhaaye kw‑isiina eryo. Peetero ꞉aakaamire inyarubha inu ari mu‑musi gwa Ruumi, orubhaara runu ꞉aabhirikiiye‑wo ati Bhaabheeri (5:13).
Peetero keeresya abhwerubhweru ati ꞉aakaamire inyarubha inu, korereki akengye abheekirisya na okubhabhwira ati, abhatura okwimereeguru bharumateene okutura ku‑bhwitiriranya bhwa Nyamuwanga era (5:12). Peetero kaabhwira abheekirisya okurama obhurame bhweru imbere ya Nyamuwanga (1:3‑2:10) na kaasoosya amaragiriro inguru ya obhungwani bhwa Abhakirisito na inguru ya okugayuka abhatangasya (2:11‑3:12). Ka wone, kaasimbiisya abheekirisya emyoyo, bheegumiirisye omwanya gwa ebhinyaasyo, kwa okubha obhuteero bhwa echaaro bhwakingire (3:13‑4:19). Ku‑bhuteero, kaasoosya ameeresyo inguru ya obhungwani mw‑ikanisa.