Inyarubha ya
Yakobho
Obhutangati
Inyarubha inu, ꞉yaakaamirwe na Yakobho. Omwene aariga ari mumura omutooto waabho Yeesu. Yakobho aariga amenyekeene muno ku‑bharuubhirisya bha Yeesu, kwa okubha aariga ari mutangasya wa rikanisa rya Yerusareemu. Inyarubha inu, Yakobho ꞉aakaamiiye abheeyigisya Abhayawudi bha Yeesu, bhanu bhaariga bhanyarageene na okuja mu‑bhyaro ebhindi bhyafubhyafu.
Ku‑nyarubha inu, Yakobho keeyigisya abheekirisya ati, bharuubhe obhwengeeso bhwa Nyamuwanga. Ka wone, bhareme chimwi obhwengeeso bhunu obhusooka ku‑Syetaani (3:13-18). Yakobho kaasoosya ebhijekekanyo bhyafu bhya obhwengeeso bhwa Nyamuwanga na obhwengeeso bhunu obhusooka ku‑Syetaani. Keeyigisya ati eriikirisya rya echimari gutari omusango gwa okwayika era, tari ni bhusibhusi ebhikorwa wone bhibhe‑wo. Okwikirisya Yeesu utaakora ebhikorwa bhya ekisi ni murimu gunu gutari‑mo omuriiro (2:4-26).