Inyarubha
ku‑Bhayebhuraniya
Obhutangati
Omukaami wa inyarubha inu atakumenyekana kw‑iswe, eyiturikana ati kaatura okubha Pawuro itumwa, Ruuka, Bharinaabha, amwi omuunu owundi. Omukaami wa inyarubha inu aariga ari mwikirisya unu aariga ˆnaamenya kisi ebhitabho bhya Indagano ya Kara. Abheengeeso bhaafu abheetogera ati, inyarubha inu ꞉yaakaamirwe omwanya gunu Riyekaru rya Nyamuwanga rya mu‑musi gwa Yerusareemu ryariga richaari kufumurwa. Riyekaru eryo, ꞉ryafumuuywe ku‑muguuga gwa makumi gataanu na gabhiri okusookerera okwibhurwa kwa Yeesu Kirisito.
Omukaami wa inyarubha inu, ꞉aakaamiiye abheekirisya bha Echiyawudi bhanu bhaariga nibhanyaasibhwa na abhaanu bhanu bhaariga nibhayaajana na eriikirisya ryebhwe. Omukaami unu, aariga ˆnaabhafungʼamya mu‑riikirisya ryebhwe kwa okubheeresya ati Yeesu Kirisito ni wa echimari, ka wone niwe kaaswerura abhwerubhweru ebhikorwa bhyone bhya Nyamuwanga.
Obhukarariiye bhwa omukaami bhwariga bhuri kweresya ati Yeesu niwe kaaswerura rikusyo rya Nyamuwanga. Ka wone kaakomeeresya ati Kirisito ni Mukuru okukira bhamaraayika, abhatangasya na abhagabhisi bhoone. Ku‑njira ya Kirisito, abhaanu bhoone abharamira obhuchungusi bhwa echimari.