Kollise Shoxampakko Yohannise
3
Tʼipariyoose Kʼesaare a innukusumi tupettay perko 15nanna;
Pentʼinawitto Pilatʼoose piyye Yihutakki rafisi.
Herotisekka piyye Kalilakki rafisi;
qhamussa kula qaso huusu Filpʼoosekka piyye Itʼuriyaaseppa the Tʼirakondhoosesikki rafisi;
Lissaniyoosekka piyye Apileenesi isi rafisana;
2 Haannapa Kʼeyyaffakka inthawampawhe kʼesadheete kodhdhonkinnakki Kʼaale Haallikkito miʼaye Zekkariyaase Yohannise kula piyye mandhitosa okayti.
3 Usokka qhama hxurakko tayadhintennu cʼuppito karo Haallkkito holapa shoxatte shoxadhanku kippayipa isi thorruyapa piyyaadhdhessi kolle Yortanoosenna kaaʼitha qagha kaasay isi aʼashsha.
4 Hussakka kʼaalessi hxuumampakko Isayyaase hasa payipa matʼaafa kitteema tooxoyb:
“Ikkittossi qhawhito mandhito hasa payipa isi riirana hasi payi;
Onke Pogholhitoosi gharisa,
onkaadhissa takkumma Uso naʼashshinisikka gheteʼisanku.
5 Foqhole kaasay ihoqhqhe.
Ghuppepa ghadhdhekka ikkata paye.
Onke qhuqhuqhamtikka ighgheteʼita;
onke xarkishamtikka ighgharta;
6 ho qhawho kodhdhi kaasay dhinise Haallikkitoosi ihiʼa.”
7 Yohannisekka korossi uso kula shoxattenu okayina hasinna payi:
“Hune miʼaadhe puuthatte,
miirassi Haallikkito okaayana kalla qhama ghoradhintennu yaxa hune qalli?
8 Lammi kodhmo cʼuppito karo Haallkkito hole haahundhi hiʼaasa kodha dhiishay pukkaqte taahundhina:
‹Appa haani Aprihaame ansheeghni› olo payeppa isa peepadhanku,
moʼo maalla payni anhunena payana,
Haallikko Aprihaamenu awrughinna miʼaadheesi haqise iʼalkasna.
9 Hantukakki irkaqqossi kaarete kulle kaarete kaleema axawwadhi;
moʼo maalla payni kaarko awsho xeesasi ye awshi kaasay aghoxnapa haththe kitteema akʼuru.”
10 Waarshokka hasi payipa Yohanniseesi kasqadhu:
“Eeppa mankonnaani?”
11 usokka hasi payipa nu holasu:
“Qhawho laalle lakki sheegha,
hoye sheeghinu inna teexa;
qhawho yiʼo sheeghakka hoye sheeghinu inna qhoota!”
12 Koro kʼaratʼtʼo sooqakkac shoxattenukki uso kula okayeppa hasa payonkippa kasqdhonki:
“Kollisampakko,
ine naana mankonnaani?”
13 Yohannisekka hasi payipa nu holasu:
“Hossi ahunena payina ghutay kʼaratʼtʼo olo korito akke.”
14 Foolisaadhdhekka iʼokayeppa hasa payonkippa kasqadhonki:
“Inena mankonnaani?”
;
usokka inna payi:
“Yaxanakka kodhaththe thuusu tayte olona akki olo ayyettay qhawho kesasi;
hxaayye ahune teexi ihune hxafna.”
15 Waarsho kaasay okaye Kristoosesid qhooti kippota tiqthadhi maallay Yohannisena:
“Ata tannu qhawhukki Kristoose?”
Kippayeppa isi saqqe huusundhina kittekata hela ghadha.
16 Naqharray Yohannise usundhe kaasanna hasinna payi:
“Ano qandhetakki an hune shoxima naqharray hoyela dhikitattay ghulakki okayna;
ano shapanne hxope huusuna ishighekka ho yeye gheeqasi;
Uso Nasso Kʼulkʼullopa haththettakki hune shoxnie.
17 Uso ghinteesi tomooma gharisepa kaspoosi unkuleema yakenu sifte xarghgho huusuna.
Naqharray kacʼeesi haththe ye’ime sheeghtisa idhdhilli.”
18 Holuppa Yohannise waarshossi onke pile pilettay isi dhihamapa ote xeesasikka isi kollisa.
19 Herotiisessi piyye Kalila rafisa qhooti naxaye qaso huusuna Herotiyataasi nakalla akipa olho magha hokishasikka kodhu maallay Yohannise usoosi idhdheehi.
20 Naqharray Herotiise maghno sappa inni maghno padhawana Yohannisesi ighghapasipa manne shappeetesa xullesasu.
Shoxatte Iyyesuse
21 Warsho kaasay ishshoxatte shoxadhi tupettay Iyyesusekka shoxatte shoxadhi.
usokka ighghissadhana hattay moontho qhashami;
22 Nasso Kʼulkʼullokka lighno qalalakitottakki Uso sappeema oodhdhi;
moonthonukka ikkitto hasa payikki okayi:
“Miʼayessi haayyu an cʼikadhi atho,
hottay anhxasoodha!”
Sanitte Sanynye Iyyesuse Nadhaladhi
23 Iyyesusekka ikodhmo kollisatte paayyana perko 30 kula ghaqqikki hxafasi;
koronukka miʼaye Yoosefekki nulighi,
hussakka Yoosefe miʼaye Eeele,
24 Eelekka miʼaye Maatte,
Maattekka miʼaye Lewe,
Lewekka miʼaye Milike,
Milikekka miʼaye Yoona,
Yonakka miʼaye Yoosefe;
25 Yoosefekka miʼaye Mathathiyu,
Mathathiyukka miʼaye Amootʼe,
Amootʼekka miʼaye Nahoome,
Nahoomekka miʼaye Esilime,
Maʼatekka miʼaye Mathathiyu,
Mathathiyukka miʼaye Semeye,
Semeyekka miʼaye Yoosefe,
Yoosefekka miʼaye Yota
27 Yotakka miʼaye Yonane,
Yonanekka miʼaye Reese,
Reesekka miʼaye Zerupapele,
Zerupapelekka miʼaye Selatiyaale,
Milkekka miʼaye Haate,
Haatekka miʼaye Kʼosame,
Kʼosamekka miʼaye Elmothame,
Yoseʼekka miʼaye Eliʼazaare,
Eliʼazaarekka miʼaye Yoraame,
Yoraamekka miʼaye Matʼate,
Matʼatekka miʼaye Lewe
30 Lewekka miʼaye Simiʼoone,
Simoonekka miʼaye Yihuta,
Yihutakka miʼaye Yoosefe,
Yoosefekka miʼaye Yoname,
Melyakka miʼaye Maynane,
Maynaneka miʼaye Matʼate,
Matʼatekka miʼaye Nathaane,
Naatanekka miʼaye Taawite
32 Taawitekka miʼaye Iseye,
Isseyyekka miʼaye Iyopeete,
Iyyopeetekka miʼaye Poeze,
Poezekka miʼaye Selemoone,
Aminataapekka miʼaye Atimine,
Atiminekka miʼaye Arami,
Aramikka miʼaye Hesroome,
Hesroomekka miʼaye Farese,
Faareesekka miʼaye Yihuta,
34 Yihutakka miʼaye Yaykʼoope,
Yaykʼoopekka miʼaye Yisihaakʼe,
Yisihaakʼekka miʼaye Aprihaame,
Aprehaamekka miʼaye Taara,
Serohekka miʼaye Rakawe,
Rakawekka miʼaye Falekʼe,
Falekʼekka miʼaye Apere,
Aperekka miʼaye Saala,
36 Saalakka miʼaye Kʼayname,
Kʼaynamekka miʼaye Arfakisidhe,
Arfakisidhekka miʼaye Seme,
Semekka miʼaye Noohe,
Matusaalakka miʼaye Henooke,
Henokekka miʼaye Yarete,
Yaretekka miʼaye Malalieele,
Malalieelekka miʼaye Kʼaynane,
38 Kʼay nanekka miʼaye Henoose,
Henoosekka miʼaye Seete,
Seetekka miʼaye Ataame,
Atamekka miʼaye Haallikkito.