Wonkele Iyyesus Kristoose Yohannise Tooxi
Inthawte
Wonkele Yohannise wonkeladhdhe salax Matʼaafa Kʼulkʼullito kittatte qaghana ise tootte.
Wonkele Yohannise Iyyesuse qhamu sakanko urkuyipa koro kitteema taayyamuki itʼtʼoosti.
Uso qhamu Kʼaale Haallikko qaghampakossinna kodhdhiisiki hiʼaasti.
Matʼaafi pukkaqate thuusuna Wonkeli atooxi koro nappapa qhamu Iyyesuse dhinisisampakkosi okayna Miʼaye Haallikkito kodhdhi dhukkaysanneppa Usoosi dhukkaysadhe thuusundhittay qagho perre ye hume sheeghe qhamu tayadhessa aronkinnu (Yoh.
20:31).
Wonkele matʼafinna kʼaalessi Haallikkito perre ye hune sheeghennapa Iyyesuse qhamu thoʼokke kodhdhessa payotenu kutu iqqallay,
holuppa Iyyesuse qhamu dhinisampakko kodhdhinipa okayussa aqalli Uso qhamu Miʼaye Haallikkito kodhdhisa dhahxotadhdhe qawni qawnikki hiʼaasi.
Nakala olho dhahxhxotadhdhissa kodhamenna tayamisikki qalli.
xaytu xayna olhu thorruyi koro tookko tookko qhamu Iyyesuse dhukkaysadhipa he nakala ashsha kodhdhonki,
tookke kapay Uso tooreppa ine Usso dhukkaysanni payonkikki thorruyi.
Qhootatte 13-17 Iyyesuse kalapkussa ghapimina kolladhampawhe huusu qale qhamu toʼokunko malaghaqqi sheeghipa xeeressi na dhisamni iʼitʼtʼuyenna kʼaale gharsadhattepa the dhikitatte nu qallussakki thorruyi.
Qhottaane dhikkattatte qhoota ghapame Iyyesuseppa qhaqhittenu itʼtʼuyepa dhisame pana fartatte haqe,
holuppa fartatte haqi tupettay kolladhampawhe huusunu armadhe thuususikki qalli.
Yohannise olhu nammallay qaghossi perre ye hume sheeghe Iyyesus Kristoosettay taayyamasi ghulasipa isi qalla teexakku Haallikkito hantunu paayyatte he Iyyesuse qhamu onkepa dhuke pana qagho kodhdhisa dhukkaysadhanu.
Wonkele Yohannise olho the qawni kodhdha,
qagho nasso dhukatate koronu qhamu xullinu,
Lighnidhdhe an arri qawni qawnitakki atooxi:
qandhepa yiʼopa hammakkopa koshshito pana qeemmepa dhishto woynatte pana awsho woynatte pana pilekka iqagha.
Olho Mat’aafi Ghapadhi
Inthawte 1:1-18
Shoxampakko Yohannisepa kolladhampawhe Iyyesuse payyotatte qhotate 1:19-51.
Iyyesuse qhamu kodhmo paayyi qhotate 2 haka qhotate 12.
Iyyerusalamepa haaha kaʼita kodhmo kuyyaqqe dhikkatattena qhotate 13 haka qhotate 19.
Fartate haqe Iyyesuseppa armadhe thuusu qhotate 20.
Dhikkattatte piyye Kalilassa qhamu lanka kolladhampawhe huusunu armadhi qhotate 21:1-25