Kodhmo Erkampawhatte
Inthawte
Matʼaafi Erkampawhatte wonkele Lukʼaase kaleemi qaghi, matʼaafi olhuna mallay tooxami: kolladhampawhessi Iyyesuse paayyotattenu qhamu mala Nasso Kʼulkʼullo nu inthawipa Kʼaalessi ote xeesana qhoota huusu torruyaasi: “Iyyerusaalemepa piyye Yihuta kaasaypa piyye Semmariyapa haka piyye qhaatʼe saasa” (1:8) Wonkele dhaghaposonki qallenu. Matʼaafi dhukkaysadhe kristanunkito piyye Ayhutattesi payyatipa waarsho qhaatʼeete qagha kaasay haki dhukkaysani saasa piyye kaasay mala qhamo dhaghaptiisiki thorruyi. Tooxampaku kristaanadhe ahxase Roomesi toorakkonu haqe qhamu ye kodhdhumma dhukkaysadhe kristanadhdheete the dhukkaysadhe koro Ayhutatteesi gharisa qhamu kodhdhitisa koronu xulisenukki uuma kokkisadhi.
Matʼaafa Erkampawhate, otessi xeesay qhoota Iyyesus Kristoose xayto inna hxafti kaasay naqepa ashshe hiisi pana manne kristana ghupadhe kaa’itha xayto issexsa aqhooti.
1. Iyyesuse moontho kula iʼashshi tupettay dhukkaysadhe kristanunkito Iyyerusaalemeema payyadhe.
2. Piyye Israelate kaasay hxafe.
3. Katama Roomepa piyyadhe paso Mettiteraniyana kaaʼitha qaghasa naqe hiisi.
Matʼaafa Erkampawhatena kittatte ho toomoma armadha kodhmo Nasso Kʼulkʼullitona, kristanadhe Iyyerusaalamatte qaghasa kuyyaqakko Pentʼekostʼena uuma inna odhdhi, laadhdhi olho kodhdhamadhipa matʼaafi kitteema athooxoy kaasay qhamu armadhi kula Nasso Kʼulkʼullo manne kristanapa inthawampawhe hiisinu inthawepa dhiktisukka. Erko kristaankito perre kedhdhanna, Kʼaale Haallikkto qalennu onke qawni qawnitaakki itʼtʼuyi. Olho kodhdhamadhipa Amatʼaafi Erkampawhatesa atooxo, erku qagho kristaanadheetenapa humuna toʼokunko koro dhukkaysadhanna qhamu mala ghaqqi dhammisaki hiʼaasi.
Olho Matʼaafi Ghapadhi
Misikirunkonu gharsadhe 1:1-26
Hayo dhikattatte Iyyesuse teexi pana kippo 1: 1-14
Qhawhosi Yihuta kapeema axawwadhi 1: 15-26
Misikirunko Iyerusalameema payyadhi 2: 1-8: 3
Misikirunko piyye Yihutapa Semmariyana 8: 4-12:25
Kodhmo Erkampako Pawloose 13: 1-28:31
Ashshanko Erkampakunkito ho payyotate 13: 1-14:28
Iyerusalamema illa hole 15: 1-35
Ashshanko Erkampakunkito lankay 15: 36-18:22
Ashshanko Erkampakunkito issxa 18: 23-21: 16
Shapame Pawloose piyye Iyerusalamepa Kʼissariya pana Roomessa shapami 21: 17-28:31