Erko Erkampakko Pawloose Koro Kathama Roomennu
Intawte
Erku erkampakko Pawloose koro Roomenu olhunna maallay tooxami: Pawloose qhooti toʼokunkosi koro dhukkaysadha piyye Roomenna qaghaasi emme woʼipa usundhekka qhamu gharsadhonkippa tiqithadhonkinu. Woʼo Pawloose korossi dhukkaysadha piyye Roomenna qagha qale xeere qhacʼa ikkodhadhi tupettay qhamu uso kʼarkʼareppa piyye Ispeene kula ashshininu. Qhoota dhukkaysadhe kristaaninkito kaʼaita olhonu xulipa kristanaadhdhe olho iqagho huusundhina kodhmottay hiʼasne kaasasi innu thooxi.
Pawloose koro dhukkaysadha piyye Roomenna qaghanu nakayho huusuusi innu itʼoosipa qhamunu ghissadhisaakka kippo innu teexi tupettay erkunna kusunte tuusu (1:17) “pare qaghunko Haallikkito kaantta tayama dhukkaysadhettay dhukkaysadhenu qhamu kodhdhitisa wonkelettakki armadhi” Kʼaale hasa payasikki hiʼaastti.
Xaysa tupettay Pawloose dhihadhisaasi ghandhaqisipa toohxoy: Koro Ayhutatekka ikkodhdha koro ye koro Ayhutatte kodhdhu kaasay cʼuppito kalla qhooti qaaki mallay Haallikko qale araarame usundhe gheeqasa, korokka Haallikko qale hu araarame alkasni Iyyesus Kristooseesi dhukkaysadhettay, toʼokunko qhawtitto Haallikko qale kodhena awsho huusu qhamu qagho qhawtitto kodhdhisa Pawloose onke ghandhaqattakki tooruyi. Qhaawho dhukkaysadha Haallikko qale nakayho ishsheeghi, Naaso Haallikkito humna cʼuppitopa ho fartatena ashoote ikoro lihasi, 5-8 Pawloose hikke Haallikkitopa humna Nasso Haallikkitona koro dhukaysadhana kodhadha woʼoko huusu moʼo qhamu kodhdhisa iʼhiʼaasa, nakaleema Pawloose “Haallikko woʼo ikkoronu shsheeghina kittate koro Ayhutattepa koro ye koro Ayhutate kodhdhu malaali toʼoke kodhdhe alkasne?” Kasqo hasa iyyanu mallse holasenuki kokisadhi.
Lankakka Pawloose qhamu qalli kula, koro Ayhutatte Iyyesusesi akkadhe hxure huusundhi woʼoko Haallikkito, husakka hukodhdhamadhi teehakosi dhinkito Haallikko hiʼaasi Iyyesus Kristoosettay sanyenye miʼaadhe korito kaasay he qhoottadhdha qhamu kodhdhinenu. Ikkodhitama kapay koro Ayhutatte kuyaqqe ina Iyyesusesi dhukkaysane qhamu okaynisa Pawloose idhdhukkaysadha, dhikkatatte Pawloose qagho Kristankitottay qhamu malaala qaake gheeqastisa, karo ghula koro dhukkaysadha onke cʼiknitona ille qale ashshe qhamu usundhe gheeqstisa iʼqalli, Haallikkonu kodhadhe, koro dhukkaysadha piyye tuusundhipa wanuko ishsheeghepa kasqinko kʼalpatte haqasi qhamu malaala ille kaleema ghandhaqisni isi toruya.
Olho Matʼaafu Ghapadhi
Payote matʼaafunapa hassapo nashikarpa matʼaafusi toxoy 1: 1-17
Dhinko miʼaadhe koritonu qhamu hogheeqasa kodhdhi 1: 18-3:20
Haallikkito onke tuusu dhinkito 3: 21-4: 25
Qagho qhawtito Kristoosettay tayama 5: 1-8: 39
Israeele ikʼidhe Haallitottay 9:1-11: 36
Qaako kristanunkito 12:1-15: 13
Dhikkatepa nakayho 15: 14-16:27