Erko Erkampakko Pawloose Payyootatte Koro Kathama Kʼorontoosennu
Inthawte
Pawloose erkossi payyotatte koro kʼoronthosennu tooxi, manne kristaanay piyye kʼoronthosenna qaghana kitatte qhoota qagho kristaanikitopa qhoota dhukkayasdhe kaaʼitha rakko haqisi isheghenu. Xeerisana Kʼoronthoose kathama piyye Kirkatte kodhenekka kutay piyyesi Akkayya anapaynakka rafise Roomenuka the ghulay. Kathamissa ho nikte dhamattay arama, aata toʼokunkitottay, uuma ghandhaqettay holu kʼalpe xarkishamtittay pana naqno haymanothatettey ho uuma arami.
Erkampakussa kapay hu uuma eemi qhoota ille qhoqhoote manne kristaananna kitatte qaghasi, qhoota qagho xarkishamina kaaʼitha, qhoota palakikitopa akkeete, qhoota aata manne kristaanannay, qhoota teexakko Nasso Kʼulkʼulitoopa qhoota fartatte haqmakko kaʼitha ahxay, holu erkampakkusa Kʼaale ote qawthitateesi kasqinkuusi uuma ghapadhettey parema itʼoosi.
“Cʼikno” Haallikko teexakine iwaarshonu teexina kittatte qhamu hoghula kodhdhisa ho hiʼaasa qhatatte 13pa isxay matʼaafinna qhotatte uuma aramay qhamu kodhitisa qalamti.
Olho Matʼaafi Ghapadhi
Inthawte 1:1-9
Elle qhoqhoote koro dhukkaysadhana kitatte haqti 1:10-4:21
Kʼalpe xarkishamtipa qagho ahxkatte 1-7:40
Kristaanadhe pana dhukkaysadhe kiristaanadhete koro ye akkadhu 8:1-11:1
Qagho manne kristaananapa aata kanastatte 11:2-14:40
Fartatte haqmako Kristooseppa ho koro dhukkaysadhana 1-15
Kʼarkʼarsa korossi rakkadh piyye Yihudhanna qaghanu 16:1-4
Dhikatte 16:5-24