Erko Erkampakko Pawloose Laankay Koro Kathama Kʼoronthoosennu
Inthawte
Pawloose erkossi lanka koro Kʼoronthoosennu tooxi hu tooxikka xeeressi thoʼokunko manne kristaanay piyye Kʼoronthosenna qale sheeghi uuma uso rakkisina. Xeere tootte tootte meethe dhikita innna haqise kakki payni Pawloose kapay araaranko okasenu wowku dhamma qhamu sheeghisikki hiʼaasi, xeeri araaranko kodhdhina hxaso dhamma nu dhakannisakki hiʼaasi.
Pawloose erko huusuna payyoote kutuy thoʼokunkossi manne kristaanay piyye Kʼoronthosenna qale sheeghisi iqallana meethepa issko manne kristananna kitatte haqi monukki uuuma dhikiti malse hasa paykki hiʼaasi. Hussa qalekka qherko uso usundhe qheeri qhooti karo nissappa karo araarankito usundhe ashshiasi mallay hxaso nu dhakadhisikki nu qalli. Husitayyi illi ella ghapasana dhehi usundhe dheehi qhamu karo nisappa karo araarankito usudhe holasi maallay hxaso nu dhakadhisikki nu arasi. Nakalakka koro dhukkaysadha piyye Yihudhanna qagha kʼarkʼarenu qhamu hxasottay teexnenukki na thayisi. Qhotatte dhikatattena Pawloose erkampakko kodhdhe huususa kisse na dhaghapti nukki malse teexi. Manne kristaana piyye Kʼoronthoosenna, koro tookko tookko pukaqe thuusundhisi erkampawhe dhukatte kodhettay pawloosesi kapay erkanpakko ayyyay payttay isi kasaasa.
Matʼaafi Olu Illa Ghapadhi
Inthawe 1:1-11
Pawloosepa manne kristaanay piyye Kʼornthoosenna 1:12-7:16
Kʼarkʼarsa koro dhukkaysadha piyye Yihudhanna qaghanuu 8:1-9:15
Pawloose ghulno erkampakonu malse iteexi 10:1-13:10
Dhikatte 13:11-14