Erko Erkampakko Pawloose Koro Piyye Kalathiyannu
Inthawte
Kʼaalessi wonkellatte qhoota dhinise Iyyesuse qallay xayto kaasay athoruyana korossi ye koro Ayyhudhatte kodhdhuy xeeressi idhdhukkaysadheppa isi ashsha kaasanna kasqinko iyyana “Kristaaniththo kodhdhenu Hikke Muusesi tiqadhe ighgheeqasam ye gheeqasti?” haqi. Mannadhdhessi kristaanay piyye Kalathiyanna qaghana kittatte koro Pawloosesi toorapa isi paya: “Qhawho hu Haallikkito minatte pare qaghunko tayanni Iyyesusesi dhukkaysadhe patta ye kodhunna hayossi Amuuse kaakoru teexisikka tiqthadhe gheeqasa.”
Hussa maallay Pawloose olhu namaalla erkuusi tooxi koro kolinkuttay tupe nadhappamiisi karo dukkaysadhesi dhukattepa karo qagho kristaankito kula holasenuppa pare qaghunko hu tayami Iyyesus Kristoosesi dhukkaysadhetay patta qhamu kodhdhisa iththoruy. Pawloose qhamu erkampakko Iyyesus Kristoose kodhdhisa arasetakki payi. Ho kodhmo erkampankunkitonu uso ooqikka Haallikko dhiishoy qhamu ye qhawho kodhdhuppa hunnu ooqamikka korossi ye koro Ayyhudhatte kodhdhunnuy qhamu kodhisa thorruyetakki hiʼaasi. Qhootannissa dhikkatattena qagho nassawnkito cʼiknossi Iyyesusesi dhukkaysadhettay atayadhina qhamu tayamisaki hiʼaasi.
Matʼaafi Olhu Illa Ghapadhi
Inthawte 1:1-10
Ghulno erkampanwuhunko Pawloosenna 1:11-2:21
Teexakko wenkele Haallikkitona 3:1-4:31
Kristanikottay hasa lighepa dhukkaysadhe qhamu gheeqasti kula qaake 5:1-6:10
Dhikkatte 6:11-18
Erko Pawloose Koro Piyye Kalathiyannu