Erko Erkampakko Pawloose Koro Kathama Efsoonennu
Inthawte
Pawloose erku koro Efesoonennu tooxina kitatte olhu uuma inthoosipa isi qalla “Woʼo Haallikkito hu dhikkani xeressi umatha kappatepa monthito qagha kaasay illa hollipa ghulno Kristoosenna kalla kodhdhu dhaghghapina” (1:10). Holuppa Pogholho Iyyesus Kiristoose qale kodhdhetay miʼaadhe korito kaasay qhamu thoʼoke kodhdhinennu ho woʼu dhammaasi qhamu kodhmito nakesnenu waarsho Haallikkitona thaayisa.
Erko Efsoonesi tooxampakko ittooxana qhoota thoʼokunkito innu tooxi. Haallikko Appa qhamu maala waarshoosi qholladhipa Miʼaye Huusu Iyyesus Kristoosettay qhamu maala cʼoppito hxurakko tayadhdheppa hasa lighonkippa, kʼaalessi kippito dhammay Haallikkitoosi qhamu mala Nasso Kʼulkʼulottay nu arasisakki thoruy. Lankanakka korossi nappappa qagho huusundhittay toʼokunku Kristoosettay sheeghe qhamu ho dhukatte kodhinipa qhamu mala qaake usundhe gheeqastisakki nu tooxi.
Koro toʼokunko Iʼiyesus Kristoosettay sheeghenna haqti qhamu mala ille qale thoʼokunkko sheeghessa lighno qawni qawnittakki nu aqalli, manne kristaanay qhamo pishkito kula, Kristoose qhamo pukkaqte pishkusana kula, manne kristaanay qhamo mannete kula, Kristoose awrukossi akriththonu xawadh kula, manne kristaanay qhamo xiskathitho kula, Kristoosekka qhamo tʼrakto xiskattusana kula. Tooxampakko teexakossi Haallikkito Kritoosettay armadhiisi uumi naqnaqisetakki tooxi; olho kaasasi hu eemi cʼikno Kristoosetappa teexame thuusutappa hxurakko huusutaappa teexakko Haallikkitottappa nakayho huusuttay.
Olho Matʼaafi Illa Ghapadhi
Inthawte 1:1-2
Kristoosepa manne kristaanay 1:3-3:21
Qagho qhawthitto Kristoosettay 4:1-6:20
Dhikkatte 6:21-24