Wonkele Iyyesus Kristoose Markʼoose Tooxi
Inthawte
Wonkeli Markʼoose paayyoote otessi xeesa Mi’aye Haallikkito Iyyesus Kristoosenna.
(1:1) Wonkeli Markʼoose Iyyesuse qhamu qhawho kodhamitopa ho humunna rafisatte sheegha kodhdhi hiʼasti,
qhamu humunna rafisatte sheeghasakka kollise thuusuppa korto Orriththo lihhasetappa koronnu c’uppo hxuritakki armatheesi.
Wonkeli Markʼoose matʼaffe Wonkelatte salaxna kittatte tookko.
Matʼaafa Markʼoose tookkisana olhu ho qawni kodhdhittay,
Iyyesusessi qhamo Kodhampakito iʼitʼtʼoosi.
Iyyesusekka pukkaqa thuusuna hasi payi:
“Ano Miʼaye Qhawhito qhamu koro ye kodhanninu qandhimma qhama koronu kodhannipa he kishanu napse thayyuusi murra kodhapa teexanuki an okayi.”
(Mar 10:45) Ikkodhdhitama kapay Markʼoose kolladhampawhe Iyyesuse 12 kittatte ye qaghi.
Naqharray oli kaasaasi erkampakko Petʼiroosena kantakki kolladhi.
Qhoota Yohannisessi Markʼoose ana payi arenu Matʼaafa Kodhampawhatte 12:12,25; 15:37 eeme gheeqasa.
Markʼoose olho Iyyesuse kodhiisi ittoxana olhu uuma hiʼaasi Kʼaale Iyyesuseppa kollise Thuusu Yekodhunna dhahxhxotadhdhi kodhisikki uuma tooxi.
Ho matʼaafiisi tooxi qhoota shoxampakko Yohanseppa qhoota shoxatte shoxadhe Iyyesuseppa themmamme Thuusu iʼolho qhacʼa payi tupettay qhoota kollisepa udhankko qawni qawninna koro dhinnise Iyyesusekki thorruy.
Holuppa xinki he Iyyesuse dhukkaysadhe Usoosi uuma areppa isi ashshanna he Uso toorakka uumi Uso shikke.
Wonkeli Markʼoosenna qhotaane dhikkatatte olho thorpassi dhikkatattena Iyyesuseema kodhdhamadhi,
husakka maskʼalaama dhisame Thuusupa fartatte haqamakko Huususikki thorruye.
Hasappu 16: 9-20 saasa atooxi ho matʼaffe paʼawhe tookke tookkatte patta tayama.
Olhu Mat’aafi Illeema Ghapadhi
Paayyoote wonkelate 1:1-13
Iyyesuse kodhmo huusu ippiyye Kalilassa paayyi 1:14-9:50
Qhamu Katama Iyyerusalamena kodhadhi 10:1-52
Torppa dhikkatattena Iyyerusaalamepa ghodhdhe nakaʼitha qaghana 11-15
Fartate haqe Pogholhito 16:1-8
Armadhepa montho illa hadhdhe Pogholhossi fartatte haqina 16:9-20.