Wonkele Iyyesus Kristoose Maathiwoose Tooxi
Inthawte
Wonkele Maathiwoose Iyyesuse qhamu dhinisampakko kodhdhipa k’aalessi kippito qhoota huusu Haallikko Matʼaafa Katape Paʼathattesa waarsho huusunu teexi Usottay qhamu dhikkisiisa ihhiʼaasti.
Otissa xeesakka Iyyesuse waarshossi ayhutatte inna kitta dhaladhipa ghohunnu patta ye kodhdhdhunna koro piyye qhaat’eete qagha kaasannu.
Makaxko Maathiwoose aʼishigha payni teexakko Haallikkito payyo.
Kodhmo huusukka qhawho kʼaratʼtʼo sooqa,
kodhmusaasikka helahxuruppa Pogholho kala ashshoy (Maath.
9: 9-13).
Wonkele Lukʼaaseppa the Markʼoose Maathiwoosena Lewi inna payeppa isi ooqa.
Wonkele Maathiwoose tha ille kala ghadheesettay tooxi.
Dhaladhe Iyesusennukki paayyipa qhoota shoxattepa themmamme thuusu ihhi’aasi tupettay piyye Kalilassa kollise thuusupa udhanko qawni qawninna koro dhinise thuususikki hiʼaasi.
Nakalakka karo piyye Iyyerusalame kula ashshepa perressi ippiyye qhaatʼeema oladhina thorpa dhikkattattena olho tookko tookko kodhdhamadhiisikki hiʼaasi.
Hussakka maskʼalaama dhisame thuusupa farte thuusu pana fartatte haqe huusuusikki ghapadhi.
Wonkeli Maathiwoose Iyyesuse Uso ho Hikke Haallikkitoosi ishighenu humna sheeghapa kollisampakko haxa ho Ahxase Haallikkitoosi kollisa qhamo kodhdhikki hiʼaasti.
Kollisisay thuusuusi xayto hxupinsa aqhooti.
1.
Qhottatte 5-7 saasa thorressi ghupito,
koro Ahxase Haallikkitona kʼalpe thuusundhipa kodhmo huusundhipa olho usundhe gheeqasapa olho na gheeqama pana farote dhikkatattesikki qalli.
2.
Qhottatte 10 dhihamte kolladhampawhessi 12 wonkele torruyenu erakamennu ateexiisiki hiʼaasti.
3.
Qhottatte 13 lighnidhdhe qawni qawni qhoota Ahxase Haallikkito hiʼaasa.
4.
Qhootatte 18 kollinko qhoota kolladhampawhunkito koro ishigha.
5.
Qhootatte 24-25 saasa kollinko qhoota dhikkatte perre hantunnapa qhoota okaayte Ahxase Haallikkitona teexamiisikki hiʼaasi.
Olho Mat’aafi Ghapadhi
Sanynye Iyyesus Kristoose na okayipa dhaladhe thuusu 1:1-2:23
Kodhmo shoxampakko Yohannise 3:1-12
Shoxadhepa themmamme Iyyesuse 3:13-4:11
Piyye Kalilassa kodhmo paayye Iyyesuse 4:12-18:35
Piyye Kalilannu karo Iyyerusalamatte ashshe Iyyesuse 19:1-20:34
Thorpa dhikkatattena Iyyerusaalamepa ghodhdhadhe hiisina 21:1-27:66
Fartatte haqe Pogholho haaninapa armadhe thuusu 28:1-20.