Matʼaafa Uumattay
Inthawte
Matʼaafa uumatay qhoota uumame qhatʼadheetepa qhoota okay sanynye koritonapa qhoota cʼuppitopa qhoota qaako qootʼitona payyadhe thuusu pana qhoota toʼokunko Haallikko sanynye korito qale sheeghisikki qalli. Matʼaafa uumatay xayto lakki ho uuma aramasa qhoote iʼalkasamna,
1. Qhotate 1 haka 11 saasa qhoota uumame qhaatʼetepa qhoota payyoote sanynye koritonaki qalli, nakala Ataamepa Hewwaane, Kʼaelepa Apeele, Noohepa qandhe patitatte holuppa torre Kinpa papiloonena xayna kittati tayame.
2. qhotate 12 haka 50 saasa qhoota appaadhdhe Israeelatte payyotattesikki qalli, usundhisana kittate ho payyotate dhukkaysadhe tuusupa Haallikkonu eeʼe payettay arama Aprihaame, nakalakka thorre miʼaye huusu Ysaakʼepa opopko huusu Yaʼikʼoope pana mʼiaadhe huusu hudhdhappa lakkinaki ashshasi,
Matʼaafi iqhqhoota waarshidheete thorruyadhakka payni kapay olho kaasanna ghutay kodhmo Haallikko kodhisikki qalli, holuppa uumame qhatʼadheetesa ithorre paayyipa kipposi dhihadhe Haallikko waarsho huusunu sheeghi hiʼasasa dhikkisu, matʼafinna kittate hinaasenu haka hinaase saasa he dhappanu ho qhaqhittepa kʼitaate qhamu qaghtisa qalla Haallikko, ho usundheesi intawapa isi usundhe kʼarkʼarakka Uso, ashshanko perrisa inna lighghe kaasanna gharisnakka Uso.
Olho Matʼaafi illeema ghapadhi
Qhotate 1:1-2:25 Paayyadhe cʼuppitopa ho rakkito.
Qhotate 3:1-24 Thorre Attaamenu haka Noohe saasa.
Qhotate 4:1-5:32 Noohepa qandhe patitatte.
Qhotate 6:1-10:32 Kinpe Papiloone.
Qhotate 11:1-9 Seemenu haka Aprihaame saasa.
Qhotate 11:10-32 Appaadhdhe Israeelatte Aprihaamepa Yisaakʼepa Yaʼikʼoope.
Qhotate 12:1-35:29 Dhalata Esawo.
Qhotate 36:1-43 Yosefepa qharmaadhdhe huusu.
Qhotate 37:1-45:28 Waarsho Israeelatte piyye Kiptʼatena 46:1-50:26.