Wonkele Iyyesus Kristoose Maathiwoose Tooxi
Sanitte Sanynye Dhalatha Iyyesusenna
1
28 Sanynyessi Taawiteppa the Aprihaame kodhdhanna sanynye dhaladhe Iyyesus Kristoose thisi.
2 Aprihaame Yisaak’eesikki dhali,
Yisihaakʼekka Yaykʼoopeesikki dhali,
Yaykʼoopekka Yihutapa qharumadhdhe pana qassawhe huususikki dhali;
3 Yihuta xiskatho ana payi Timaarena Faareesepa Zaaraneesiki dhali.
Faareesekka Hesrooneesikki dhali;
Hesroonekka Araameesikki dhali;
4 Araamekka Aminataapeesikki dhali;
Aminataapekka Neʼasooneesikki dhali;
Neʼasoonekka Selemooneesikki dhali;
5 Selemoone naxaye ana payi Reʼaapena Poʼeezeesikki dhali;
Poʼeezekka xiskatho ana payi Ruuthena Iyyopeeteesikki dhali;
Iyyopeetekka Isseyyeesikki dhali;
6 Isseyyekka Taawiteesikki dhali.
Nukusa Taawitekka naxaye Ooriyonna Selemooneesikki dhali.
7 Selemoonekka Roopiʼaameesikki dhali;
Roopiʼaamekka Apiyaasikki dhali;
Apiyakka Asaafeesikki dhali;
8 Asaafekka Iyyosafetʼeesikki dhali;
Iyyosafetʼekka Iyyoraameesikki dhali Iyyoraamekka Ooziyaasikki dhali;
9 Ooziyakka Iyyoʼatameesikki dhali;
Iyyoʼataamekka Akaasseesikki dhali;
Akaassekka Hiskʼiyaaseesikki dhali;
10 Hiskʼiyaasekka Minaaseesikki dhali;
Minaasekka Amootʼeesikki dhali;
Amootʼekka Iyyosiyaaseesikki dhali;
11 Iyyosiyaasekka xinkessi waarsho Isiraʼeelatte poojuyamipa piyye Papiloone kula ashshonnaki Ikkoniyaanepa qassawhe huusuusi dhali.
12 Piyye Papiloone kula ippoojuyame tupettay Ikkoniyaane Selaatiyaaleesikki dhali;
Selaatiyaalekka Zerupapeleesikki dhali
13 Zerupapelekka Apiyuteesikki dhali;
Apiyutekka Eliyaakʼeemeesikki dhali;
Eliyaakʼeemekka Aasooreesikki dhali
14 Aasoorekka Sathokʼeesikki dhali;
Sathokʼekka Akimeesikki dhali;
Akimekka Eliyuteesikki dhali;
15 Eliyutekka Alazaareesikki dhali,
Alazaarekka Maathaneesikki dhali;
Maathanekka Yaykʼoopeesikki dhali;
16 Yaykʼoopekka Mariyaamessi Iyyesus Kristoose dhaltina akkampako hiisi Yooseffeesikki dhali.
17 Lammi Aprihaamennu haka Taawite saasa dhalatha 14,
Taawitenu paayyatti haka poojko Papiloone saasa dhalatha 14,
poojko Papiloonenu paayyatti haka Kristoose saasa dhalatha 14.
Dhaladhe Iyyesus Kristoose
18 Dhaladhe Iyyesus Kristoose thisi:
yaaye thuusu Maariyaame Yoosefenukki rapathamtipa haannay ye ille akkadhonkinna qharaʼitha Nasso Kʼulkʼullottay sheeghoy.
19 Akkampakko hiisi Yoosefe qhawho xeesa qhooti kodhdhi maallay,
Maariyaameesi koro miinta palamise ye woʼukka;
hussa maallay bhadhdhamtettay hela hxure idhdhihadhi.
20 Naqharray iʼolissaasi dhihadhdhatte qaghana,
erkampatte Pogholhito ulsinkettay nu armadhipa hasa napayi:
“Atho Yoosefessi sanynye Taawitenna kodhdhiti,
xaante thaahu Maariyaame Nasso Kʼulkʼulottakki sheeghtiye iseesi manne haahu kula akkenu olo ghaapi.
21 Isekka Miʼaye shambho idhdhalinti;
uso qhooti waarsho huusuusi cʼuppo huusundhina dhinisni maallay makaxko huusukka Iyyesuse anna payinti.”
22 Olissa kaasay olhunna maallay kodhdhamadhi,
olhossi Pogholho hxuumampakkoa huusuttay hasa payipa qalladhu:
23 “Haadhi,
shette theye tʼiirakko arukki sheeghnapa Miʼaye shambho dhali;
makaxko huusukka Amanuʼeele ana paynipa isa ooqa” qhamu dhikkanninu.
Amanuʼeele payyo Haallikko ine qale.