KAYTAKU KÛTIYAARAKU KA PAWLU AŊIICUM BE BATA GRÎSIYA YATA
TESALOONIKA
Hûcukumahu hata kayta'uke
Na Pawlu âcukum grîsiya yata Philipus, ban nakay be Tesaloonika, yagam êsukay yammi di bantaabu bata Masedoniya (Bag 17:1-9). Na kûŋomooroodom, nahulh be Bereeya, ban nakay be Ateenas di bantaabu bata Akaya di karebaku ka jalay acalhumewuum. Na agam omu bo Ateenas, naboñ Timootiw ma nki aanen bûynenaabu bata Tesaloonika (1 Tes 3:1-3). Be na Timootiw alaañumulobom, Pawlu oo ma akayum ban be Kôrintu (1 Tes 3:6; Bag 18:5), baamom ba âŋiicummi kayta'uke. Nownu bûynenaabu, bukanaku ma kuŋomoorem di buko, kaaku koo ma kukeem ban, kaaku poop ma kuhelekemmi ban mata ma ya kukoom bûlaañulabu bata Jesus di kuka'uku. Momakiimom Pawlu nanamulen bûynenaabu bata bo mata bûlaañulabu bugabutabu bata Jesus, ban nanamuleniil di kaan jake ma kusoh lit bugoroorabu, di kurees jak di buruŋabu bata Emitay, ban poop naaniil kuga sembe ma kajamooraku kulako di tutaru tatayiil.